Le Tala e Fai Atu e Uiga i Mekasini

Le Olomatamata Aoku. 1

“Ona o le matuā fevaevaeaʻi o loo iai le fanau a tagata, ua manatu ai nisi e faapea na pau lava le auala e maua ai le filemu, e ala mai i se pulega faalelalolagi. Pe e te manatu ea e mafai ona tupu lenā mea? [Faatali mo se tali. Ona faitau lea o le Tanielu 2:44.] O loo talanoaina i le mekasini lenei mea o loo faataunuuina nei e le Malo o le Atua, ma le auala o le a ia aumaia ai le filemu i le lalolagi i se taimi ua lata tele mai.”

Awake! Aoku. 8

“E tatou te tau fai faanoanoa uma lava pe a tatou faalogo i tala i le faataumaoia o tamaiti. Atonu e te taumānatu, ‘Po o manatu moni mai ea le Atua?’ [Faatali mo se tali. Ona faitau lea o le Salamo 72:12-14.] O loo talanoaina i le mekasini lenei lagona o le Atua e faatatau i tamaiti ma le auala ua toeitiiti nei ona ia aumaia ai loa lea o se mapusaga tumau mo i latou uma lava ua pagatia i le faileagaina.”

Le Olomatamata Aoku. 15

“Ua saʻilia e tagata i aso nei fautuaga mai le tele o le ʻaufaufautua e faatatau i faaipoipoga ma le tausia aʻe o fanau. O fea e te manatu e maua ai fautuaga e aupito sili ona lelei? [Faatali mo se tali.] O loo talanoaina i Le Olomatamata lenei nisi o fautuaga atamai e faatatau i le olaga i le aiga ua saunia mai e Lē na Foafoaina tagata.” Faitau le Salamo 32:8.

Awake! Aoku. 22

“O le ā sou manatu, o le ā le tāua o le faatasi o tamā ma a latou fanau i o latou olaga? [Faatali mo se tali.] O loo talanoaina i le Awake! lenei le faatupulaʻia o le faafitauli o le ola aʻe o fanau e aunoa ma o latou tamā. O loo talanoaina ai foʻi le auala e mafai ai ona iai ni aafiaga lelei i le iai o tamā faatasi ma a latou fanau.” Faitau le Faataoto 13:1.