Tusi Mai le Ofisa

Mo le ʻAutalaʻi Pele o le Malo:

“O le Atua ua faatupuina.” (1 Kori. 3:6) Maʻeu le faagaeetia i le vaaia o se tumutumuga fou e 206 o le ʻautalaʻi i Amerika Samoa i lenei tausaga faaleauaunaga! O loo ua iai se faatelega i suʻesuʻega faale-Tusi Paia i Amerika Samoa faapea foʻi ma Samoa lea e 597 suʻesuʻega faale-Tusi Paia na faia i le masina o Aperila! O se mea e ao ona avatu ai le faamālō.

Ua faamanuia Ieova i galuega a vaega i le faa-Peretania i Amerika Samoa faapea foʻi ma Samoa. O le aofaʻi o i latou na auai i le faamanatuga i vaega faa-Peretania ia e lua e 201. O le mea moni e mataʻina le faatelega o le aofaʻiga o i latou na auai i le faamanatuga, i faapotopotoga uma i atunuu e lua lea e 2,247 na auai ai—o se faatelega e 20% e sili atu ai na i lo le tausaga ua mavae. O lea, seʻi o tatou taumafai malosi e oo atu i tagata uma i nei atunuu ma le tala lelei.

Ua faatelēina le fale lomitusi i le Watchtower Farms, i tafatafa o Wallkill, i Niu Ioka mo le saunia o lomiga ona o le faatupulaʻia o oganuu i le lalolagi. Ua telē se faaleleiga ina ua faaopoopo le avanoa e tolu ma le ʻafa eka mo le faia o galuega. E talitutusa lona telē pe a tuufaatasi ni Maota o le Malo e 30! E lua masini lomitusi fou e aupito sili ona lelei ua faatulaga e taunuu i le amataga o le 2004. O le masini e tasi o le a mafai ona lomia mekasini e 25 i le sekone e tasi. O le a faatutūina foʻi masini fou i le 2004 mo le tuufaatasia o lomiga ma le sauniaina o lomiga mo le tufaina atu. O le a tele atu galuega e mafai ona fai ae itiiti tagata faigaluega e manaʻomia.

A o amata le tausaga faaleauaunaga o le 2004, e matou te tatalo faatasi ma outou ina ia faaauau ona ʻfaatupuina’ e Ieova.

O outou uso,

Ofisa i Samoa