Sauniuniga e Fesoasoani iā i Tatou e ʻAlofia le Toto

E ao ona maua e tagata talaʻi papatiso se pepa fou Faatonuga/Tuusaunoaina Faafomaʻi ua Muaʻi Saunia po o le Identity Card i le Sauniga o le Auaunaga i le vaiaso o Tesema 29. E ao i le failautusi ona lava sana sapalai o pepa mo tagata uma ua papatisoina atoa foʻi ma o latou alo. Afai e lē o lava ni pepa a le faapotopotoga, e ao i le failautusi ona faafesootaʻi le Ofisa i Samoa, e talosaga mo nisi pepa a o leʻi taitai oo i le aso e fai ai lenei Sauniga o le Auaunaga.

E tatau ona faatumu ma le faaeteete nei pepa, ae AUA le sainia. I le Suʻesuʻega Tautusi e sosoo ai a le faapotopotoga, e tatau ona sainia nei pepa, ia molimauina e isi ma ia tusia le aso, ma o loo iai le ovasia o le suʻesuʻega tautusi e fesoasoani pe a manaʻomia. E tatau i ē o molimau ona vāaitino o saini lē e ona le pepa.

E mafai foʻi ona tusiaina e tagata talaʻi e leʻi papatisoina, pepa o faatonuga mo i latou ma o latou alo e ala i le fetuunaʻi o faaupuga mai le pepa Faatonuga/Tuusaunoaina Faafomaʻi ua Muaʻi Saunia ma le pepa Identity Card.

O se taimi lelei lenei e autalu ai faaopoopoga ua tuanaʻi o La Tatou Faiva o le Malo o loo talanoa patino i a tatou talitonuga e faatatau i tuigā toto. E faalaeiauina outou e teu se kopi o le faaopoopoga Ua E Sauni e Faafetaiaʻia se Aiaiga Faafomaʻi e Luʻia le Faatuatua? (2/91 km-SM and 11/90 km-E) ma le Puipuia la Oulua Fanau Mai se Tuigā Toto (9/92 km-SM & E).