Lomiga Faale-Tusi Paia I LE INITANETI
Lomiga Faale-Tusi Paia
I LE INITANETI
Faa-Samoa
ā
  • ā
  • ē
  • ī
  • ō
  • ū
  • ʻ
  • TUSI PAIA
  • LOMIGA
  • SAUNIGA
  • km 5/05 itu. 8
  • Ati A‘e le Naunau i se Ala Mekasini

Leai se vitiō o maua i lenei vaega.

Faamalie atu na iai se faalētonu i le kopiina o le vitiō.

  • Ati A‘e le Naunau i se Ala Mekasini
  • La Tatou Faiva o le Malo—2005
  • Mataupu e Taitutusa
  • Alāmekasini—Aogā mo le Amataina o Su‘esu‘ega Faale-Tusi Paia
    La Tatou Faiva o le Malo—2014
  • “Luluina Fatu o le Malo” i Alā Mekasini
    La Tatou Faiva o le Malo—1998
  • Faaleleia o o Tatou Tomai i le Faiva—Amataina o se Alāmekasini
    La Tatou Faiva o le Malo—2015
  • Se Faaeaga Lelei o le Auaunaga
    La Tatou Faiva o le Malo—1993
Faitau Atili
La Tatou Faiva o le Malo—2005
km 5/05 itu. 8

Ati Aʻe le Naunau i se Ala Mekasini

1. E faapefea ona tatou faaaogā se ala mekasini e ati aʻe ai le fiafia?

1 E toʻatele tagata tatou te feiloaʻi i ai i le faiva e talia lo tatou asiasi atu ma talia fiafia a tatou lomiga ae faatalatū e fai e lē aunoa se suʻesuʻega faale-Tusi Paia. O se tasi o auala e ati aʻe ai lo latou fiafia, o le faia lea o se ala mekasini. Pe a e tuu ni mekasini, ia fai se faamaumauga o le suafa o le tagata ma lona tuatusi, le aso na e asiasi atu ai, lomiga na tuu, ma le mau na talanoaina, ma so o se mea lava na e mātau e ono fiafia i ai le tagata. Pe a taunuu lomiga fou o mekasini, vaai i manatu e ono fiafia i ai i latou o faia a latou ala mekasini, ona faamatilatila lea pe a e asiasi atu. (1 Kori. 9:19-23) Atonu i se taimi, o le a faaosofia lo latou fiafia i se mea na latou faitauina ma faapogai ai le naunau e aʻoaʻoina atili.

2. Aiseā ua faanatinati ai mo tagata ona saʻilia Ieova i le taimi nei, ma o le ā le isi mea e ao ona tatou fai e fesoasoani ai iā i latou?

2 E tatou te iloa, o le toʻatele o tagata o le a lē mafai ona avea ma auauna a Ieova i le faitau e i latou lava o mekasini. Ona ua matuā faanatinati lava ona tatau ona saʻili tagata iā Ieova i le taimi nei, o le ā la le isi mea tatou te fai e fesoasoani ai iā i latou? (Sefa. 2:2, 3; Faaa. 14:6, 7) E tatou te ati aʻe lo latou fiafia e ala i le filifili lelei o se mau e faitau atu i taimi uma tatou te avatu ai mekasini.

3. (a) E faapefea ona tatou sauniuni e talanoa auauaʻi se mau se tasi? (e) O ā mataupu o loo manatu mamafa i ai tagata i lau oganuu?

3 Talanoaga e Faaaogā ai se Mau se Tasi: Mafaufau iā i latou i au ala mekasini, ma sauniuni ni talanoaga taʻitasi e tasi se mau e faaaogā ai e fua i manaʻoga o tagata taʻitasi. (Fili. 2:4) O se faataʻitaʻiga, pe afai e leʻi leva ona maliu se tagata o le aiga, e te ono faia ni toe asiga e talanoaina ai mea ua fai mai ai le Tusi Paia e faatatau i le tulaga o ē ua maliliu ma le faamoemoe o le toe tū. O manatu i le tusi o le Poto i le mataupu e 9 e mafai ona faaaogā e sauniuni ai i le talanoaina o se mau se tasi. E mafai ona sosoo atu ai ma se talanoaga faaopoopo i mataupu e fesootaʻi atu i ai, e pei o le auala o le a aveesea atoatoa ai le maʻi, tino matua, ma le oti. O le manatu autū, o le saʻili o se mataupu e fiafia i ai le tagata ma faasolosolo ona faaali iā te ia le mea o loo fai mai ai le Tusi Paia.

4. Aiseā e tāua ai le aʻoaʻoina o le tagata ia malamalama pe a faaaogā mau, ma e faapefea ona fai?

4 Aʻoaʻo Ina ia Malamalama: E ui lava e masani ona sili atu ona lelei pe a faafaigofie ma faapuupuu na talanoaga, ae e sili atu mea e manaʻomia na i lo le tau o le faitau o se mau ua filifilia. Ua faatauasoina e Satani manatu o tagata i le tala lelei. (2 Kori. 4:3, 4) E oo lava iā i latou e masani lelei i le Tusi Paia e manaʻomia le fesoasoani ia malamalama ai. (Galu. 8:30, 31) O lea la, ia faamatala lelei ma faataʻitaʻi le mau, e pei lava ona e faia i se lauga i le Aʻoga o le Faiva Faatiokarate. (Galu. 17:3) Ia faamautinoa ua iloa e le tagata le aogā o le Afioga a le Atua i lona lava olaga.

5. E faapefea ona oo ina avea se ala mekasini ma suʻesuʻega faale-Tusi Paia?

5 Pe afai e fiafia le tagata i mea ua ia aʻoaʻoina, ona faasolosolo mālie lea ona faalautele atu le talanoaga ia aofia ai ni mau se lua pe tolu o le Tusi Paia i asiasiga taʻitasi. Tulimataʻi se avanoa e faailoa atu ai le polosiua o le Manaomia ma le tusi o le Poto. O le faia faapea, e ono avea ai se ala mekasini ma suʻesuʻega faale-Tusi Paia.

    Lomiga Faa-Samoa (1971-2026)
    Log Out
    Log In
    • Faa-Samoa
    • Lafo Faamatalaga
    • Faapolokalame
    • Copyright © 2025 Watch Tower Bible and Tract Society of Pennsylvania
    • Aiāiga Faapitoa
    • Aiā Faaletulafono
    • Privacy Settings
    • JW.ORG
    • Log In
    Lafo Faamatalaga