Le Tala e Fai Atu e Uiga i Mekasini

Le Olomatamata Me 1

“Pe a maliu se tasi e pele iā i tatou, o se tulaga masani lava le manaʻo e toe vaai i lenā tagata. Pe e te talitonu ea i lenā mea? [Faatali mo se tali.] E toʻatele ua latou maua faamāfanafanaga i folafolaga i le Tusi Paia mo se toe tū. [Faitau le Ioane 5:28, 29.] O loo talanoaina e le mekasini lenei po o afea o le a tupu ai lenei mea, ma o ai tonu lava o le a maua aogā.”

Awake! Me 8

“O le toʻatele o mātua e filifili po o ā mea e faataga ona matamata ai a latou fanau. Po ua e silafia ea ua lē faigofie ona maua ni ata e talafeagai ona matamata ai le aiga? [Faatali mo se tali. Ona faitau lea o le Efeso 4:17.] O loo talanoaina i lenei mekasini le auala e fesoasoani ai mātua i a latou fanau e filifili mea aogā e fiafia ai.”

Le Olomatamata Me 15

“Pe e te manatu o le a tatou vaai i se lalolagi e aunoa ma se mativa? [Faatali mo se tali.] Mātau le mea ua folafola mai e le Atua. [Faitau le Isaia 65:21.] O loo talanoaina i le mataupu lenei o Le Olomatamata le auala o le a faataunuuina ai lenei folafolaga.” Ia fai fuafuaga e toe foʻi e talanoaina le fesili: O afea o le a faataunuuina ai lenei suiga e pei ona folafola mai?

Awake! Me 22

“E toʻatele tagata ua latou faalogo faapea e tāua le faia o faamalositino mo le soifua mālōlōina lelei, ae peitaʻi e toʻatele foʻi e latou te taʻutino mai e lē o lava a latou faamalositino o fai. Pe lē saʻo ea lenā tala? [Faatali mo se tali.] O loo talanoaina i lenei mekasini aogā o le fai o faamalositino e lē aunoa, ma o loo fautuaina mai ai nisi o auala e tatou te faia ai e ui tatou te pisi tele i mea e fai.”