Le Tala e Fai Atu e Uiga i Mekasini

Le Olomatamata Iulai 1

“Tatou te iloa uma lava tagata o ē foliga mai e taulau manuia ae o loo lagona pea o loo iai se mea o loo misi i o latou olaga. O le ā sou manatu i le mea o loo latou saʻilia? [Faatali mo se tali. Ona faitau lea o le Mataio 5:3.] O loo talanoaina i le mekasini lenei le manatu autū i le mauaina o le filemu o le loto—le faamalieina o o tatou manaʻoga faaleagaga.”

Ala Mai! Iulai-Sete.

“E ui lava e ono sili atu ona lauiloa Iesu Keriso na i lo se isi lava tane na soifua mai, ae toʻatele o loo taumānatu po o ai moni lava Iesu. Pe e te silafia ea i ona aposetolo sa latou taumānatu po o ai o ia? [Faatali mo se tali. Ona faitau lea o le Mareko 4:41.] O loo iloiloina e lenei mekasini le mea ua fai mai ai le Tusi Paia e uiga i le tulaga moni o Iesu.”

Le Olomatamata Iulai 15

“I le faitau afe o tausaga o le talafaasolopito o tagata, ua faatupuina ai e tagata le anoanoaʻi o talitonuga eseese. Pe e te manatu e mafai ona iloa po o fea le talitonuga moni a o fea le talitonuga sesē? [Faatali mo se tali.] O loo iloiloina i lenei mekasini le mea e maua ai aʻoaʻoga e fiafia i ai le Atua.” Faitau le 2 Timoteo 3:16.

Awake! Iulai 22

“E lagona le lotomafatia i le vaai atu i mafatiaga o loo māfua i faalavelave faalenatura. [Taʻua se faataʻitaʻiga ua iloa e tagata.] Pe e te manatu o loo faatupulaʻia pea na mala? [Faatali mo se tali.] O loo iloiloina i le mekasini lenei le fesili lenā. O loo aumaia ai foʻi se faamāfanafanaga mo i latou ua maliliu nisi e pele iā i latou ona o na mala.” Faitau le Ioane 5:28, 29.