Le Tala e Fai Atu e Uiga i Mekasini

Le Olomatamata Iulai 1

“I le taimi o mala, e toʻatele tagata e fesili po o iai moni ea se Atua o loo manatu mai i tagata, ma iloa lo latou puapuaga. Pe na e taumānatu ea faapena? [Faatali mo se tali.] O loo talanoaina i lenei mekasini le auala ua faaalia ai e le Atua le manatu mamafa mai iā i tatou i aso nei ma le auala ua ia fuafua e aveesea ai puapuaga uma.” Faitau le Ioane 3:16.

Ala Mai! Iulai-Sete.

“I le lalolagi i aso nei, ua lagona e nisi tagata faapea, ua siliga se faamoemoe. Pe e te lagona faapena i nisi taimi? [Faatali mo se tali. Ona faitau lea o le Roma 15:4.] O le toʻatele lava o tagata e latou te iloaina le tāua o le iai o se faamoemoe. O le a e fiafia e iloiloina māfuaaga e fitu faale-Tusi Paia mo le faamoemoe o loo aumaia i lenei lomiga o le Ala Mai!”

Le Olomatamata Iulai 15

“Afai na lipotia mai se mea faapenei [e pei ona faaalia i le ata i le pito i luma o lenei mekasini] i tala i aso nei, atonu e ono masalosalo le tele o tagata. O le ā sou manatu? [Faatali mo se tali. Ona faitau lea o le Mareko 4:39.] O ā ni faamaoniga o loo iai i inā e iloa ai o vavega na faia e Iesu e moni aʻiaʻi? O loo iloiloina i le lomiga lenei o Le Olomatamata le fesili lenei.”

Awake! Iulai 22

“I le lalolagi i aso nei, o loo faia i taimi uma e tagata solitulafono ni faufauga fou e faasesē ai tagata e lē solitulafono. Po o faapopoleina ai oe i lenei mea? [Faatali mo se tali.] O loo talanoaina i le lomiga lenei o le Awake! ni nai faaeteetega lea e mafai ona fesoasoani e puipuia ai i tatou mai le oo ina faasesēina.” Faitau le Faataoto 22:3.