Le Tala e Fai Atu e Uiga i Mekasini

Le Olomatamata Ape. 15

“E foliga mai ua matuā taatele faiga sauā. [Taʻua se mea o tupu i le atunuu po o se tala mai le mekasini.] Pe na e tomānatu ea pe aiseā ua sauā tele ai tagata? [Faatali mo se tali.] Ua valoia i le Tusi Paia le faateleina o faiga sauā. [Faitau le 2 Timoteo 3:1-5.] Ua tali i lenei mekasini le fesili, ‘Po o le a iai ea se iʻuga o faiga sauā?’”

Ala Mai! Ape.-Iuni

“Pe e te manatu e leaga le inu ʻava malosi? [Faatali mo se tali. Faitau le Faataoto 23:20, 21.] E lē o faasā i le Tusi Paia le taumafa ʻava, ae ua taʻua ai iʻuga leaga e oo i se tasi pe a lē fuafua lelei, pe soona inu tele foʻi. O loo taʻua i lenei lomiga manatu o le Tusi Paia i lea mataupu.” Itu. 18, 19.

Le Olomatamata Me 1

“O le oti o se tamaitiiti, e māfua ai tigā matuitui ma tumau ai pea na tigā i mātua. O fea e te manatu e maua ai e mātua se faamāfanafanaga? [Faatali mo se tali. Faitau le Roma 15:5.] O loo talanoaina i le mekasini lenei nisi o vala e saunia ai e le Atua faamāfanafanaga mo ē faavauvau.”

Ala Mai! Ape.-Iuni

“O le ā sou manatu, o le ā le matua e ao ona fai ai se uō a se talavou? [Faatali mo se tali.] E lē o taʻua patino i le Tusi Paia tausaga, ae ua taʻua ai o taimi o le malaulau o le talavou, o taimi na e matuā malolosi ai lagona fia fai uō. Ua taʻua i lenei lomiga fautuaga mo se talavou o loo iai ia lagona, aemaise laasaga agaʻi i le faia o se faaipoipoga. [Faitau le 1 Korinitio 7:36.]” Itu. 23-26.