Le Tala e Fai Atu e Uiga i Mekasini

Le Olomatamata Iulai 1

“I le lalolagi ua faatumulia i mea leaga, ua fesili ai le toʻatele e faapea: ‘Aiseā ua tumu ai le olaga i faafitauli? Afai o loo iai se Atua, aiseā ua ia lē faia ai se mea e aveesea ai puapuaga o loo iai?’ Pe na e taumānatu i lenā mea? [Faatali mo se tali.] O loo aumaia i le mekasini lenei tali malamalama a le Tusi Paia mo na fesili.” Faitau le 2 Timoteo 3:16.

Ala Mai! Iulai-Sete.

“E anoanoaʻi tagata o loo mananaʻo e ola i se olaga fiafia. O le ā sou manatu, e faapefea ona maua lenā olaga o loo naunau i ai le toʻatele o tagata? [Faatali mo se tali. Ona faitau lea o le Isaia 48:17, 18.] O loo faamatalaina i le mekasini lenei, le vaaiga saʻo e ao ona iai, faapea ma le auala e maua ai le fiafia moni.” Itu. 3-9.

Le Olomatamata Iulai 15

“O le ā sou finagalo, faamata o le a iai se taimi e tulaʻi mai ai se malo e foʻia faafitauli o tagata? [Faatali mo se tali.] Na aʻoaʻo e Iesu ona soo e tatalo mo lenā malo e pei ona faamauina i le Mataio 6:9, 10. [Faitau.] O loo faamatalaina i le mekasini lenei le māfuaaga ua maoaʻe ai le Malo o le Atua i malo faaletagata ma faamanuiaga o le a aumai ai.”

Ala Mai! Iulai-Sete.

Pe a feiloaʻi i se talavou o loo i aʻoaʻoga, e te ono faapea atu: “O le toʻatele o tamaiti e pei o oe, ua feagai ma le tele o faaosoosoga i aʻoga ina ia faia amioga lē mamā. O le ā sou manatu, o le ā se auala e tetee atu ai i faaosoosoga faapena i totonu o aʻoga? [Faatali mo se tali. Faitau le Efeso 5:3, 4; Faataoto 22:3] O loo talanoaina i le mekasini lenei auala e ao ona feagai ai ma ia faaosoosoga.” Itu. 18-20.