Tusi Mai le Ofisa

Mo le ʻAu Talaʻi Pele:

“Inā Faia ia le Finagalo o [Ieova].” (Galu. 21:14) O le matua lenā o le lauga faasolo na faia i le Aiga Peteli i le Iunaite Setete e le Vaega Pule, ma sui o le Komiti o le Lālā i le afiafi o le Aso Gafua, Tesema 26, 2005. Sa faamalamalamaina faapea, ona o le faafaigofieina o nisi o galuegafai i le lālā, o le a valaaulia ai nisi o le aiga Peteli e galulue i nisi o tofiga eseese i le oganuu a le Iunaite Setete, lea o le a latou faaaogā lelei ai le toleniga sili ona lelei na latou maua i Peteli.

O le alualu i luma o le atamai faaonapōnei ua faaleleia ma faafaigofie atili ai galuega i mea tau felaʻuaʻiga, faapea ma le lomiaina o lomiga. Ona o lenā tulaga, ua faaitiitia ai le manaʻomia o tagata tauofo i aiga Peteli. I le isi itu, o loo iai se manaʻoga tele mo tagata “galulue i [le seleselega].” (Luka 10:2) Na mātau e se tasi o sui o le Vaega Pule e faapea: “E mafai ona tatou faatauina mai masini e faia galuega o le lolomiina o lomiga mo i tatou, ae e lē mafai e masini ona talaʻi atu le tala lelei o le malo.” O lea la, o uso ma tuafāfine taʻumatuaina ua maua aogā mai le toleniga i Peteli, ua tofia atu i le oganuu lea o le a tele so latou sao e mafai ona fai i le talaʻia o le tala lelei ma le faia o soo.

I inei lava i le oganuu a Samoa, e matou te faamoemoe ia sili atu ona lelei ona talaʻia vaega e pei o le Motu o Manuʻa, le vaega i sasaʻe o Upolu faapea ma le faatausiʻusiʻuga o le itu i sisifo o Savaii. E matou te mautinoa o le a faamanuia Ieova iā i latou e faaavanoa i latou e talaʻi i na oganuu.

O outou uso,

Ofisa i Samoa