Le Tala e Fai Atu e Uiga i Mekasini

Le Olomatamata Mati 15

“E masani ona talanoa tagata i le afio mai o Keriso. Pe e te manatu o se mea lenei e nofo tatali atu i ai, pe fefefe ai? [Faatali mo se tali.] Mātau le manatu o le tusitala o le Tusi Paia o Ioane e uiga i le afio mai o Iesu. [Faitau le Faaaliga 22:20.] O loo faamatala i le mekasini lenei le mea o le a faataunuu i le afio mai o Keriso.”

Ala Mai! Ianu.-Mati

“Po o e tomānatu pe faamata o ola pea i se isi nofoaga ē ua maliliu, ma pe mafai foʻi ona tatou fesoasoani iā i latou? [Faatali mo se tali. Faitau le Failauga 9:5, 6, 10.] Ua taʻua i le Tusi Paia, e lē o ola i latou i se isi mea, ma e lē mafai foʻi ona tatou fesoasoani atu i ai. O loo faamatala i le lomiga lenei le manatu o le Tusi Paia e uiga i le tulaga o ē ua maliliu.” Itu. 26, 27.

Le Olomatamata Ape. 1

“E toetoe lava o aso uma tatou te fesagaʻi ai ma fesili e uiga i lo tatou soifua mālōlōina, aiga, ma galuega. O fea e te manatu e tatou te maua ai ni tali maufaatuatuaina ma aogā? [Faatali mo se tali.] Mātau mai le mea ua taʻua i le 2 Timoteo 3:16. [Faitau.] Ua faaalia i le mekasini lenei le auala e fesoasoani ai le Tusi Paia iā i tatou i le tele o vala aogā.”

Ala Mai! Ape.-Iuni

“Po o faasā mai e le Tusi Paia le tagofia o le ʻava malosi? [Faatali mo se tali.] Ua taʻusalaina e le Tusi Paia le soona inu ma le onā. Seʻi mātau mai le fautuaga a Paulo o loo i le 1 Korinito 6:9, 10. [Faitau.] O le a lē maua e i latou o ē inu tele ma onā, faamanuiaga o le Malo o le Atua. O loo faamatala i lenei lomiga le fesoasoani a le Tusi Paia i le faaaogāina o le ʻava malosi.” Itu. 18.