Le Tala e Fai Atu e Uiga i Mekasini

Le Olomatamata Mati 1

“I aso uma ua lē aunoa ona tatou faalogo e uiga i mafatiaga, faamaʻi, ma le oti. Pe e te manatu e mafai moni ona faasaoina mai i tatou i nei mala? [Faatali mo se tali.] O le fuaiupu lenei o le Tusi Paia ua maua ai le faamoemoe o le faitau miliona o tagata. [Faitau le Ioane 3:16.] ‘E Laveaʻiina Oe e le Maliu o Iesu’ o le mataupu lenā o loo talanoaina i le mekasini lenei.”

Ala Mai! Ianu.-Mati

“Ua fesagaʻi le tele o tagata i aso nei aemaise talavou, ma le faafitauli masani o le olaga o le faia e isi o faamatalaga sesē e uiga iā i latou. O le ā sou lagona, e faapefea ona tatou taulimaina lea ituaiga o faafitauli? [Faatali mo se tali. Faitau le Iakopo 3:2; Mataio 11:19] O loo fesoasoani le lomiga lenei ia maua se vaaiga saʻo i lea faafitauli ma le auala atamai e taulimaina ai.” Itu. 12-14.

Le Olomatamata Ape. 1

“Pe e te lē naunau ea e vaai i le faataunuuina o le valoaga lenei? [Faitau le Isaia 2:4. Ona faatali lea mo se tali.] E pei ona faaalia, o le a faalaa mai le Atua i mataupu fai a tagata ma ‘⁠faasaʻo mataupu lē tonu.’ Ua taʻu mai e le Tusi Paia o le a tau le Atua i le taua e taʻua o Amaketo, lea o le a muta ai taua uma. O loo faamatala e le mekasini lenei le uiga o Amaketo ma le māfuaaga e ao ai ona tatou faamoemoe atu i ai.”

Ala Mai! Ape.-Iuni

“E manatu nisi tagata o le oti o le faitotoʻa lea i se isi olaga pe a mavae le oti; o isi e talitonu e leai o le oti o le iʻuga lea. O le ā sou taofi, pe ao ona fefe i le oti? [Faatali mo se tali.] Mātau lagona sa iā Iopu ina ua lata lona oti. [Faitau le Iopu 14:14, 15.] O loo talanoaina i le mekasini lenei le faamatalaga manino a le Tusi Paia i le mea e tupu pe a tatou feoti.”