Le Tala e Fai Atu e Uiga i Mekasini

Le Olomatamata Me 1

“O le faatupulaʻia o mala faalenatura i o tatou aso, ua manatu ai nisi po o se faasalaga lea mai le Atua. O le ā sou manatu? [Faatali mo se tali. Faitau le 1 Ioane 4:8.] O loo faamalamalama e lenei mataupu le māfuaaga e lē tuuaʻia ai le Atua, i mafatiaga e faapogaia ona o mala faalenatura.” Faaali i ai le mataupu i le itulau e 30.

Ala Mai! Ape.-Iuni

“I o tatou aso o faiga faasaienisi ma le lē mautonu, e toʻatele ua manatu e lē o toe aogā le Tusi Paia. O le ā sou manatu i lea tulaga? [Faatali mo se tali.] Pe na e silafia o so o se faamatalaga lava a le Tusi Paia e faatatau i le faasaienisi e saʻo aʻiaʻi? [Faitau le Iopu 26:7.] Ua aumaia e lenei lomiga o le Ala Mai! ni māfuaaga e mafai ai ona talitonuina le Tusi Paia.” Itu. 23-27.

Le Olomatamata Iuni 1

“O se tasi o tala taʻutaʻua i le Tusi Paia o le tala iā Noa ma le Lolo. Pe e te manatu na tupu moni le Lolo? [Faatali mo se tali.] E mataʻina lenei tala ona sa faasino i ai Iesu o se mea moni na tupu. [Faitau le Luka 17:26, 27.] O loo i le mekasini lenei māfuaaga e talitonu ai i le tala o le Lolo, ma o loo faamatala mai ai lesona tāua tatou te maua mai ai.”

Ala Mai! Ape.-Iuni

“O i tatou uma lava ua iai nisi ua maliliu e pele iā i tatou. Pe e te manatu o loo latou vaavaai mai le lagi? [Faatali mo se tali.] Mātau le fetalaiga a Iesu ina ua maliu Lasalo. [Faitau le Ioane 11:11.] O loo faamalamalama e lenei mataupu, po o feola i se isi mea tagata ua maliliu po o momoe ma faatalitali i le toetū.”