Le Tala e Fai Atu e Uiga i Mekasini
Le Olomatamata Me 1
Faitau le Mataio 24:3. Ona faapea atu lea: “E manatu nisi o loo faatatau le fesili lenei i le iʻuga o lo tatou lalolagi. Pe e te manatu o le a faaumatia le lalolagi? [Faatali mo se tali.] O loo taʻua i le tali a Iesu se mea tatou te tepa taulaʻi i ai—nai lo le iʻuga o le lalolagi, e ese le mea lea o le a iʻu. O loo faamatalaina i le mataupu o loo i le itulau e 16 lenei manatu.”
Ala Mai! Aperila-Iuni
“Pe a fesagaʻia faafitauli, e toʻatele tagata e manatu ua faasala i latou e le Atua. Po o lou lagona lenā? [Faatali mo se tali. Ona faitau lea o le Iakopo 1:13.] O loo faamatalaina i le mataupu lenei le māfuaaga tonu o faafitauli ma le māfuaaga tatou te talitonu ai ua toe o se aga aveesea o tatou puapuaga.” Faamatilatila le mataupu o loo amata i le itulau e 28.
Le Olomatamata Iuni 1
“I aso nei ua taatele tusi e faatatau i le tausia o fanau, le alofa, ma mea e mananaʻo tagata e fai. O le ā sou manatu, e aogā nei tusi? [Faatali mo se tali.] E toʻatele ua lē amanaʻia le puna mo fautuaga maufaatuatuaina e pei ona taʻua i inei. [Faitau le 2 Timoteo 3:16.] Ua faamatalaina i le mekasini lenei le māfuaaga e maufaatuatuaina ai le Tusi Paia, ma ni faaaʻoaʻoga o fautuaga aogā o loo i le Tusi Paia.”
Ala Mai! Aperila-Iuni
“E iai nisi tagata i aso nei a tatalo i le Atua e latou te faaaogā ni mea e faafaigofie ai ona tatalo. E fesoasoani nei mea e faaauau ai ona latou lagi faatauloto i taimi uma le tatalo lava e tasi. O le ā se finagalo o le Atua i ia ituaiga tatalo? [Faatali mo se tali. Ona faitau lea o le Mataio 6:7.] O loo faamatalaina i le mekasini lenei, le manatu o le Tusi Paia i lea mataupu.” Faamatilatila le mataupu e amata i le itulau e 26.