Lomiga Faale-Tusi Paia I LE INITANETI
Lomiga Faale-Tusi Paia
I LE INITANETI
Faa-Samoa
ā
  • ā
  • ē
  • ī
  • ō
  • ū
  • ʻ
  • TUSI PAIA
  • LOMIGA
  • SAUNIGA
  • km 5/09 itu. 2
  • Le Auala e Sauniuni ai mo le Sauniga o le Auaunaga

Leai se vitiō o maua i lenei vaega.

Faamalie atu na iai se faalētonu i le kopiina o le vitiō.

  • Le Auala e Sauniuni ai mo le Sauniga o le Auaunaga
  • La Tatou Faiva o le Malo—2009
  • Mataupu e Taitutusa
  • Faatonuga mo Ē e Faia Vaega i le Sauniga o le Auaunaga
    La Tatou Faiva o le Malo—2010
  • Ua Faaauupegaina i Tatou e le Sauniga o le Auaunaga mo Galuega Lelei Uma
    La Tatou Faiva o le Malo—1994
  • Lau Vaega i le Faia o Sauniga ia Aogā
    La Tatou Faiva o le Malo—1990
  • E Valaaulia ma le Māfana Oe
    Le Olomatamata Faasilasilaina le Malo o Ieova—2009
Faitau Atili
La Tatou Faiva o le Malo—2009
km 5/09 itu. 2

Le Auala e Sauniuni ai mo le Sauniga o le Auaunaga

1. O le ā le fuafuaga o le Sauniga o le Auaunaga, ma e faapefea ona tatou maua ai le tele o aogā?

1 Ua faatulaga le Sauniga o le Auaunaga ina ia faaauupegaina ai i tatou ina ia maua ni iʻuga lelei i la tatou talaʻiga. O le mataupu autū lava e talanoaina, o le talaʻia o le tala lelei o le Malo, le faia o soo, ma faalauiloa atu le faasalaga faafaamasinoga a le Atua ua lata tele mai. (Mata. 28:20; Mare. 13:10; 2 Pete. 3:7) E tatou te maua le tele o aogā mai i lenei sauniga tāua pe a tatou sauniuni lelei ma nofo sauni e fai se sao.

2. E faapefea ona tatou sauni e faalogo i se lauga?

2 Lauga: O mea e faavae ai se lauga, e masani lava ona faailoa atu i faatonuga e avatu i le failauga. E mafai ona e autaluina ia faamatalaga, e aofia ai ma mau faasino, ma mafaufau i le auala e te ono faatatauina ai faamatalaga i lau faiva.

3. O le ā tatou te fai e sauniuni ai mo se talanoaga i fesili ma tali?

3 Talanoaga i Fesili ma Tali: O le vaega lenei e tai pei lava o le auala e tauaaoina ai le Suʻesuʻega o le Olomatamata, e aofia ai se upu tomua ma upu faaiʻu e faapuupuu. Ia vase lalo o manatu tāua i palakalafa taʻitasi, ma nofo sauni e fai ni tali pupuu ma uigā.

4. E faapefea ona tatou sauniuni mo se talanoaga ma le aofia?

4 Talanoaga ma le Aofia: E tauaaoina le vaega lenei o se lauga, ae e mafai ona fesili mai le failauga mo ni manatu o le aofia. Afai la e te vase lalo o manatu tāua ma faitau mau faasino, e ono mafai ona fai sou sao pe a fai mai fesili. O le a taumafai malosi le uso o le a tauaaoina le vaega lenei, e faaaafia le aofia i le talanoaina o manatu tāua.

5. O le ā e fesoasoani ia tatou maua aogā e tele mai i faataʻitaʻiga?

5 Faataʻitaʻiga: O nisi vaega e aofia ai ni faataʻitaʻiga talafeagai, e faaalia ai le auala e faatatauina ai se mataupu o loo talanoaina i le oganuu a le faapotopotoga. O toeaina po o ni tagata talaʻi ua iai le poto masani po o paeonia foʻi, e tofia e faia faataʻitaʻiga. O au sauniuniga la mo lenei vaega, e ono aofia ai le mafaufau i le auala o le a tauaaoina ai. Pe afai o se taulimaga o loo faatulaga mai i le faiva lea ua faataʻitaʻi, ia mafaufau i le auala e te ono faia ai e oe lava ia ma fetuunaʻi i tagata eseese o aiga. Ia faamautinoa o iā te oe le lomiga po o mekasini o le a faaaogā i le faataʻitaʻiga. E ono aogā pe a outou faataʻitaʻia nisi o nei taulimaga i le taimi o le Tapuaʻiga Afiafi a lo outou aiga.

6. O ā nisi o māfuaaga e ao ai ona sauniuni mo le Sauniga o le Auaunaga?

6 O le a sili atu ona tatou fiafia i le Sauniga o le Auaunaga, pe a muamua ona tatou suʻesuʻeina vaega o le polokalame ma manatunatu i ai a o lumanaʻi le sauniga. Afai tatou te mulimuli i nei fautuaga, o le a tatou fetufaaʻi ai i le anoanoaʻi o faalaeiauga. (Roma 1:11, 12) Afai tatou te faaavanoa se taimi e sauniuni ai mo le Sauniga o le Auaunaga, o le a lelei ai ona faaauupegaina i tatou e faataunuu lo tatou tofiga.—2 Timo. 3:17.

    Lomiga Faa-Samoa (1971-2026)
    Log Out
    Log In
    • Faa-Samoa
    • Lafo Faamatalaga
    • Faapolokalame
    • Copyright © 2025 Watch Tower Bible and Tract Society of Pennsylvania
    • Aiāiga Faapitoa
    • Aiā Faaletulafono
    • Privacy Settings
    • JW.ORG
    • Log In
    Lafo Faamatalaga