Le Tala e Fai Atu e Uiga i Mekasini

Le Olomatamata Aperila 1

“E iai nisi tusitusiga e faapea mai e leʻi maliu Iesu e pei ona fai mai ai le Tusi Paia ae na faaipoipo ma fai lana fanau. Pe sa e faafofoga i lenā manatu? [Faatali mo se tali.] E tāua tele ona iloa le mea moni. [Faitau le Ioane 17:3.] O loo taʻua i le mataupu lenei māfuaaga e talitonuina ai le mea o fai mai ai le Tusi Paia e faatatau iā Iesu. Faamatilatila le mataupu o loo amata i le itulau e 26.

Ala Mai! Aperila-Iuni

Faitau le 1 Ioane 4:8. Ona faapea atu lea: “E talitonu nisi o le a faapuapuagatia e faavavau e le Atua ē amioleaga i se afi i seoli. E manatu isi e lē fetaui lea taofi ma le manatu lea na seʻi faatoʻā faitauina nei. O le ā sou manatu? [Faatali mo se tali.] O loo faaalia i le mataupu lenei le mea o fai mai ai le Tusi Paia e uiga i le mataupu.” Faamatilatila le mataupu o loo amata i le itulau e 24.

Le Olomatamata Me 1

“Pe sa e taumānatu ea pe aiseā ua lē taofia ai e le Atua puapuaga? [Faatali mo se tali.] Mātau le auala na faaupu ai e se tasi o tusitala o le Tusi Paia se fesili o loo fesili ai le toʻatele i aso nei. [Faitau le Salamo 10:1.] O loo iloiloina e le mekasini lenei le mea o fai mai ai le Tusi Paia i le māfuaaga ua lē taofia ai e le Atua puapuaga ma le mea o ia faia e faatoʻafilemu ai.”

Ala Mai! Aperila-Iuni

“O se tasi o mea aupito i sili ona tigā i le olaga o le maliu lea o se tasi o mātua. Pe e te ioe i lea manatu? [Faatali mo se tali.] E toʻatele ua faamāfanafanaina i mau o le Tusi Paia e pei le mau lenei. [Faitau le Faaaliga 21:4.] O loo faamatalaina i le mataupu lenei le auala e taulima ai le anoano o faalogona e tulaʻi mai, aemaise lava i talavou.” Faamatilatila le mataupu o loo amata i le itulau e 26.