Le Tala e Fai Atu e Uiga i Mekasini

Le Olomatamata Fepuari 1

“O le toʻatele lava o i tatou e iai tapuaʻiga. O le ā sou manatu, e tāua i le Atua le auala tatou te filifili e tapuaʻi atu ai iā te ia? [Faatali mo se tali. Ona faitau lea o le Mataio 15:9.] O loo talanoaina i le mataupu lenei vala e fā na taʻua e Iesu e mātaulia ai le tapuaʻiga moni.” Faamatilatila le mataupu o loo amata i le itulau e 16.

Ala Mai! Ianuari-Mati

“Pe e te talitonu ua fesagaʻia e aiga i aso nei le anoanoaʻi o faafitauli? [Faatali mo se tali.] E toʻatele latou te lē o silafiaina fautuaga aogā o loo i le Tusi Paia. Fai ma faataʻitaʻiga le manatu lenei. [Faitau se mau o loo i le mekasini.] O le Ala Mai! faapitoa lenei o loo faaalia ai mataupu silisili o le Tusi Paia lea e mafai ona fesoasoani i aiga ia taulau i le fesagaʻia o tulaga eseese.”

Le Olomatamata Mati 1

“Pe e te manatu i le Tusi Paia o le Afioga a le Atua, po ua na o se tusi e manaia i le faitau? [Faatali mo se tali.] Mātau le faamatalaga a le Tusi Paia lava ia. [Faitau le 2 Timoteo 3:16, 17.] O loo talanoaina i le mataupu lenei le auala e fai ai se filifiliga e faatatau i le mataupu lenei ma le pogai e tāua ai le faia faapea.”

Ala Mai! Ianuari-Mati

“E toʻatele tamāloloa ma fafine o loo nonofo faapouliuli i aso nei e lē faaipoipo, o nisi o i latou ua iai ni fanau. O le ā sou manatu, pe e talafeagai lenei faiga ma le mea o fai mai ai le Tusi Paia? [Faatali mo se tali. Ona faitau lea o le Eperu 13:4.] I le Ala Mai! faapitoa lenei, o loo taʻua ai le vaaiga a le Tusi Paia e faatatau i le nonofo faatasi ae e leʻi faaipoipo.” Suʻe i le itulau e 28.