Le Tala e Fai Atu e Uiga i Mekasini

Le Olomatamata Mati 1

Faitau le Esoto 20:15. Ona faapea atu lea: “E ui lava e toʻatele o loo taumafai e usitaʻia le tulafono lenei, ae e talitonu lava nisi e iai tulaga e lē afāina ai le gaoi ma isi gaoioiga lē faamaoni. O le ā sou manatu? [Faatali mo se tali.] O loo talanoaina i le mataupu lenei ia aogā o le faamaoni i taimi uma.” Faamatilatila le mataupu o loo amata i le itulau e 12.

Ala Mai! Ianuari-Mati

“O le mea e mautinoa e tofu aiga ma faafitauli. Ae faamata o fea e maua ai e aiga ni fautuaga e aogā ma maufaatuatuaina? [Faatali se tali. Faitau le Salamo 32:8] I lenei lomiga faapitoa o le Ala Mai!, o loo talanoaina ai taʻiala mai le Tusi Paia o le a aogā i aiga, pe a latou faatatauina.”

Le Olomatamata Aperila 1

“Pe a fesiligia po o ai le tagata e aupito i sili ona lauiloa i le talafaasolopito, e toʻatele e tali mai o Iesu. O lau tali lenā? [Faatali mo se tali.] Mātau pe aiseā e ao ai ona tatou iloiloina manatu feteenaʻi e faatatau iā te ia ina ia tatou iloaina le mea moni. [Faitau le Ioane 17:3.] O le lomiga faapitoa lenei o Le Olomatamata o loo faaalia ai le mea moni o loo i le Tusi Paia e faatatau iā Iesu ma ana aʻoaʻoga.”

Ala Mai! Aperila-Iuni

“Pe e te manatu ua tele atu luʻitau o talavou i aso nei nai lo aso ua mavae? [Faatali mo se tali.] E toʻatele tagata e manatu o le tulaga ua iai mea i aso nei e fetaui lelei ma mea o loo taʻua mai i le mau lenei. [Faitau le 2 Timoteo 3:1.] O loo faatulaga atu i le mekasini lenei mataupu silisili mai le Tusi Paia e fesoasoani i mātua ma talavou i le faafetaiaʻia o luʻitau.”