Le Tala e Fai Atu e Uiga i Mekasini

Le Olomatamata Mati 1

“O loo iai manatu feteenaʻi e uiga iā Iesu. Pe e te manatu o ia o le alo o le Atua, pe e na o se tagata lelei?” Faatali mo se tali. Ona faitau faatasi lea o se manatu ma se mau mai i se fesili, o fesili matamata tetele o loo i le itulau e 16-17. Ofo mekasini, ma fuafua e toe foʻi mai e talanoa i le tali o le isi fesili.

Le Olomatamata Aperila 1

“E toʻatele tagata e eseese o latou talitonuga e uiga iā Iesu. Pe e te manatu e tāua ona iloa le upu moni e uiga iā te ia? [Faatali mo se tali. Ona faitau lea o le Ioane 17:3.] O loo faamatala i lenei mekasini le manatu o le Tusi Paia e uiga iā Iesu, o fea na sau ai, lona soifuaga, ma le pogai na maliu ai.”

Ala Mai! Aperila-Iuni

Faaali le faavaa ma fesili i ai, “O le ā lau tali i lenei fesili? [Faatali mo se tali.] O loo faalaeiau e le Tusi Paia tagata ia tausia le filemu. [Faitau le Iakopo 3:17.] Ae aiseā la ua lē mafai ai e lotu ona autasia tagata? Po o le a aumaia e lotu se filemu? O loo faamatala e lenei mekasini tali o na fesili.”