Pe na E Faataʻitaʻia se Suʻesuʻega i le Uluaʻi Asiasiga?

Pe a e ofo atu se suʻesuʻega faale-Tusi Paia, e masani ona faapea mai nisi e ʻleai faafetai,’ a o isi e fai mai ʻo lea foʻi e aʻoaʻo le Tusi Paia i la matou lotu.’ Talu ai ua latou faatusatusa le suʻesuʻeina o le Tusi Paia i mea na latou aʻoaʻo i le lotu ua latou lē iloa ai le manaia o le suʻesuʻega e tatou te faia. O lea la, nai lo o le na o le ofo atu o se suʻesuʻega, e lelei ona faataʻitaʻi le faia o se suʻesuʻega i le uluaʻi asiasiga. O se faataʻitaʻiga: Aua le na o le fai atu, ʻe lelei laʻu kuka’ ma fai atu, ʻou te toe foʻi mai ma se taumafataga susua;’ ae ia avatu loa i ai i le taimi lenā seʻi tofo i ai i le manaia! E puupuu lava le taimi e faataʻitaʻi ai, e pei ona fautuaina mai i La Tatou Faiva o le Malo, Ianuari 2006 itulau e 6:

“Pe e te manatu e iai se aso o le a taunuu ai nei upu? [Faitau le Isaia 33:24 ma faatali mo se tali.] Seʻi ou faasino atu iā te oe se mea manaia e tusa o lenei mataupu.” Tuu atu le tusi Aʻoaʻoga a le Tusi Paia ma faasino i ai le palakalafa e 22 i le itulau e 36. Faitau le fesili i le pito i lalo o le itulau, ma fai atu i le tagata e suʻe le tali a o e faitauina le palakalafa. Ona toe fai lea o le fesili ma faalogo i lana tali. Ia lua faitau faatasi se isi mau. Ona fai atu lea o se fesili o le a taliina i le isi asiasiga, ma fai se fuafuaga maʻoti e toe foʻi mai. Ioe o lenā ua e amata se suʻesuʻega faale-Tusi Paia!