Faaleleia o o Tatou Tomai i le Faiva—Faataʻitaʻi se Suʻesuʻega Faale-Tusi Paia e Faaaogā ai le Tusi Aʻoaʻoga Moni

Māfuaaga e Tāua Ai: O le toʻatele o tagata e lē malamalama pe a faapea atu o loo tatou faia suʻesuʻega faale-Tusi Paia e aunoa ma se totogi. Atonu e latou te manatu e tatau ona auai i se vaega o tagata suʻesuʻe, pe ave se mataupu e suʻesuʻe i le fale ae e maua ma lafo meaaʻoga e ala i le meli. O lea, nai lo o le tau ina ofo atu o se suʻesuʻega, aiseā e lē faataʻitaʻi ai le auala e fai ai se suʻesuʻega? E tusa po o luma o le faitotoʻa, ae e mafai lava ona e faaaogā ni nai minute e faasino ai i le tagata le faigofie ma le fiafia e maua pe a suʻesuʻeina le Tusi Paia.

Le Auala e Fai Ai:

Pe a uma ona faailoa atu oe, ia fesili i le tagata o le aiga pe e tāua iā te ia le lumanaʻi.
Ia faapea atu e toʻatele tagata e tāua foʻi iā i latou le lumanaʻi, ma faasino i ai le lisi o mataupu o le tusi Aʻoaʻoga Moni. Faamatala i ai o loo iai i lenei tusi mataupu e faigofie ona malamalama i ai, ia o loo faaalia ai aʻoaʻoga a le Tusi Paia e faatatau i le lumanaʻi ma isi mataupu, ma fesili i ai po o lē fea mataupu e fiafia i ai.
Tuu i ai le tusi ma faasino saʻo i le mataupu ua ia filifilia. Faamatala i ai e maua tali o fesili o loo i le amataga o le mataupu, i palakalafa o loo mulimuli mai.
Fai i le tagata e faitau mai le palakalafa muamua pe a talafeagai ma ia. Pe a uma, ona faitau lea o le fesili o le palakalafa ma talanoa faatasi le tali. Faitau ma talanoa mau o loo iai e lagolagoina ai le tali. Faasino i le tagata le auala ua e faailoga ai le tali i lau tusi.
Iloilo le palakalafa e sosoo ai, ae faalaeiau le tagata e taumafai e tali mai i ana lava upu.
Faamālō i ai ma fai ni fuafuaga e toe foʻi atu e faaauau le talanoaga.
Pe afai e talafeagai, ia faaali i le tagata le vitiō o loo i le jw.org/sm, o lona matua O le ā e Faia i se Suʻesuʻega Faale-Tusi Paia?

Faataʻitaʻi a o Faagasolo le Masina:

Ia tatalo mo le faamanuia a Ieova i au taumafaiga ina ia amata se suʻesuʻega fou faale-Tusi Paia.—Fili. 2:13.
A o auai i le talaʻiga, ia taumafai e faataʻitaʻi se suʻesuʻega faale-Tusi Paia e faaaogā ai le tusi Aʻoaʻoga Moni, ma a itiiti mai pe e faatasi ona faaali le vitiō O le ā e Faia i se Suʻesuʻega Faale-Tusi Paia?