Le Tala e Fai Atu e Uiga i Mekasini

Le Olomatamata Oketopa 1

“E toʻatele o loo taumānatu po o manatu mai le Atua i o tatou popolega ma mea o faanoanoa ai. O le ā sou taofi? [Faatali mo se tali. Ona faitau lea o le Salamo 34:18.] O le mataupu i le itulau e 19 o loo talanoaina ai le auala o loo fesoasoani mai ai le Atua iā i tatou e tauivi ma faalogona lē lelei e pei o le manatu ua leai so tatou aogā, ua lutia i faanoanoaga, ma le faalogona nofosala.”

Ala Mai! Oketopa-Tesema

“E anoanoaʻi popolega i nei taimi ona o le tulaga ua iai le tamaoaiga. Ua mafatia tagata ua leai ni galuega, ae o i latou o loo iai galuega o loo popole i le ono vāea mai le galuega. Pe e te manatu o se fautuaga lelei lenei e fesoasoani e faafetaiaʻia tulaga e tulaʻi mai? [Faitau le Mataio 6:34. Faatali mo se tali.] O loo maua i le mataupu lenei fautuaga aogā i le auala e faasoa ai a tatou tupe ma faalogona.” Faamatilatila le mataupu i le itulau e 10.

Le Olomatamata Novema 1

“Tatou te mananaʻo uma lava ia iai sina faalogona o le lotomalie. Pe e te manatu tatou te manaʻomia tupe ina ia maua ai le lotomalie? [Faatali mo se tali.] O se tasi o tusitala o le Tusi Paia na ia aʻoaʻoina le auala e maua ai le lotomalie pe a lē tele ni mea. [Faitau le Filipi 4:11, 12.] O loo talanoaina i le mekasini lenei mafuaaga e lima mai le Tusi Paia i le mauaina o le lotomalie.”

Ala Mai! Oketopa-Tesema

“E foliga mai ua faasolo lava ina matuā faateteleina le tulaga popole i le soifuaga. Pe e te ioe i lea manatu? [Faatali mo se tali.] E toʻatele e manatu o se tasi o mafuaaga o le popole o loo taʻua i le mau lenei. [Faitau le 2 Timoteo 3:1.] O loo talanoaina i le mataupu lenei le auala ua tatou aafia ai i le popole. O loo taʻua ai foʻi nisi o fesoasoani i le auala tatou te pulea ai le popole.” Faamatilatila le mataupu i le itulau e 12.