Le Tala e Fai Atu e Uiga i Mekasini

Le Olomatamata Novema 1

“Pe e te manatu o naunau mai agelu i a tatou mea o loo fai? [Faatali mo se tali.] O le faamatalaga faaoso naunau lenei a le Tusi Paia. [Faitau le Luka 15:10.] O loo talanoaina i le mataupu lenei le fetalaiga a Iesu i auala tatou te aafia ai i foafoaga agaga.” Faamatilatila le mataupu o loo amata i le itulau e 16.

Ala Mai! Oketopa-Tesema

“E tele lava ina totogi lotu mo le faia o papatisoga, faaipoipoga, ma falelauasiga. Pe e te manatu e talafeagai lea faiga? [Faatali mo se tali.] Mātau mai faatonuga nei na avatu e Iesu i ona soo. [Faitau le Mataio 10:7, 8e.] O loo faaalia i le mataupu lenei le mea o fai mai ai le Tusi Paia pe afai ae totogi se auaunaga faalelotu.” Faamatilatila le mataupu o loo amata i le itulau e 18.

Le Olomatamata Tesema 1

“E talitonu le toʻatele o loo iai ni foafoaga atamamai i le nofoaga o agaga o loo latou taaʻina o tatou olaga. O le ā sou manatu? [Faatali mo se tali. Ona faitau lea o le Faaaliga 12:7-9.] O loo faaalia i le mekasini lenei le mea o fai mai ai le Tusi Paia e uiga i ē o iai i le nofoaga o agaga, le auala o loo tatou aafia ai iā i latou, ma pe mafai ona tatou faafesootaʻia i latou.”

Ala Mai! Oketopa-Tesema

“Pe e tatau ona tofia fafine e fai ma faifeʻau? [Faatali mo se tali.] O le faamatalaga lenei a le Tusi Paia e faatatau i se tasi o fafine. [Faitau le Roma 16:1.] Peitaʻi, o loo faapea mai se isi mau e aua neʻi tautatala fafine i le faapotopotoga. O le ā tonu lava la le manatu o le Tusi Paia? O loo faamatalaina i le mataupu lenei.” Faamatilatila le mataupu o loo amata i le itulau e 26.