Le Auala e Faaaogā ai le Pepa, Please Follow Up (S-43)

E tatau ona faatumu lenei pepa pe a e maua se tagata loto fiafia e lē nofo i la outou oganuu, po o se tasi e tautala i se isi gagana. I le taimi ua teʻa, sa tatou faaaogā nei pepa pe a feiloaʻi ma tagata e tautatala i se isi gagana, e tusa lava pe fiafia pe leai, ae i le taimi nei, ua faaaogā mo na o i latou e faaalia le fiafia. Seʻi vaganā ai le tagata e logonoa. Pe afai tatou te feiloaʻi ma se tagata e logonoa, e tusa lava pe fiafia pe leai, faatumu pea le pepa S-43.

O le ā e fai pe a uma ona faatumu le pepa? E tatau ona avatu i le failautusi o le faapotopotoga. Afai na te iloaina le faapotopotoga e avatu i ai, e mafai ona ia auina atu i toeaina o lenā faapotopotoga, ina ia latou faatulaga se tasi e alu e vaai lenā tagata. Afai e na te lē o silafia le faapotopotoga, ona ia lafo atu lea i le ofisa o le lālā.

Pe afai o le tagata fiafia e tautala i se isi gagana ma e nofo i la outou oganuu, e mafai ona e asiasi pea iai ina ia faatumau pea lona fiafia, seʻia oo ina faafesootaʻi atu e se tagata talaʻi o le faapotopotoga, e tautala i lenā gagana.​—Tagaʻi i La Tatou Faiva o le Malo, o Novema  2009, itulau e 4.