Taulimaga Faataʻitaʻi

Ina ia Amata ai Suʻesuʻega Faale-Tusi Paia i le Aso Toonaʻi Muamua o Iuni

Faitau le Isaia 42:8. Ona faapea atu lea: “E tusa ai o lenei mau, e iai le suafa o le Atua. Pe e te manatu e tāua ona tatou faaaogā le suafa o le Atua? [Faatali mo se tali.] Seʻi mātau mai le manatu lenei.” Tuu atu i le tagata o le aiga Le Olomatamata o Iuni 1, ma iloilo faatasi faamatalaga i lalo o le tamaʻi ulutala muamua i le itulau e 16. Ofo mekasini, ma fai se fuafuaga e toe foʻi atu e talanoa le fesili e sosoo ai.

Le Olomatamata Iuni 1

“Ou te fia iloa sou manatu e uiga i se mataupu tāua tele. [Suʻe i le itulau e 3, ma faasino atu i le lisi.] O lē fea o manatu nei e faamatalaina ai lau vaaiga e uiga i le Tusi Paia? [Faatali mo se tali.] Seʻi mātau le mea ua taʻua i le Tusi Paia e uiga i le Tusi Paia lava ia. [Faitau le Roma 15:4.] O loo talanoaina i lenei mekasini māfuaaga e lima ua avea ai le Tusi Paia o se tusi e tutasi, ma faamatala mai le auala e tatou te maua ai aogā mai le Tusi Paia.”

Ala Mai! Aperila-Iuni

“Pe e te manatu o le a iai se taimi e mafai ona maua ai se filemu i le va o ituaiga o tagata eseese i le lalolagi i aso nei? [Faatali mo se tali.] Seʻi mātau mai le manatu o le Tusi Paia e uiga i lenei mataupu. [Faitau le Kolose 3:13.] Ioe, afai e maua e tagata uma le lotofaamagalo, e mafai la ona maua le filemu.” Faasino i le itulau e 20 ma iloilo manatu i le mataupu “E Faapefea Ona E Faatupu le Filemu ma Isi?”