Taulimaga Faataʻitaʻi

Ina ia Amata ai Suʻesuʻega Faale-Tusi Paia i le Aso Toonaʻi Muamua o Me

“Pe e te manatu aiseā ua lē taofia ai e le Atua mea leaga ma puapuaga? [Faatali mo se tali.] Ou te fia faailoa atu iā te oe se manatu manaia e uiga i lenei mataupu.” Faitau faatasi manatu o loo i le tamaʻi ulutala i le itulau e 16 o Le Olomatamata o Me 1, ma se mau o loo sii mai. Ofo mekasini, ma faatulaga e toe foʻi atu e talanoa le tali o le fesili e sosoo ai.

Le Olomatamata Me 1

Faitau le Salamo 37:10, 11. Ona faapea atu lea: “Pe e te manatu ua lata ona tatou vaaia le faataunuuga o lenei folafolaga? [Faatali mo se tali.] O loo talanoaina i lenei mekasini valoaga eseese e ono i le Tusi Paia, o loo tatou vaaia ua faataunuuina i aso nei, e faamaonia ai ua lē o toe umi ona faataunuuina lea o lenei folafolaga.”

Ala Mai! Aperila-Iuni

Faaali le faavaa ma fesili i ai, “O le ā lau tali i lenei fesili? [Faatali mo se tali.] O loo faalaeiau e le Tusi Paia tagata ia tausia le filemu. [Faitau le Iakopo 3:17.] Ae aiseā la ua lē mafai ai e lotu ona autasia tagata? Po o le a aumaia e lotu se filemu? O loo faamatala e lenei mekasini tali o na fesili.”