Ua Fesili Mai Talavou—O le a Faapefea Ona Faaaogā Loʻu Olaga? (Vaega 2)
I le lisi autū o le vitiō Young People Ask—What Will I Do With My Life? oomi le vaega ua taʻua Interviews (Faatalanoaga), ona oomi lea o le vaega e taʻua Sections (Vaega). Pe a uma ona maimoa i vaega e tolu, faaaogā fesili o loo i le palakalafa e 2 e autalu ai. Pe a uma, ona oomi lea o le vaega ua taʻua Supplementary Material (Mataupu Faaopoopo), ma pe a uma ona maimoa i faatalanoaga faaopoopo e lima, ona faaaogā lea o fesili o loo i le palakalafa e 3 e autalu ai.
Sections (Vaega)—Tuutoina Atu i le Saʻilia o Mea e Lē Aogā pe Tuutoina Atu i le Atua: (1) O ā sini ua uunaʻia talavou ia tuliloaina? (2) E faapefea ona fesoasoani le 1 Ioane 2:17 i talavou, ina ia filifili ai po o le ā le tele o aʻoaʻoga faalelalolagi e ao ona latou saʻilia? (3) Aiseā e lē tatau ai ona avea le fefe ma itu e taofia ai i tatou e papatiso? (4) O le ā e fesoaosani iā i tatou ina ia agavaa ai mo le papatisoga? Ia Iloa le Auala e Olioli ai i Lau Faiva: (5) Aiseā e lē o maua ai e nisi le olioli i le faiva? (6) O ā ni mea e mafai ona fesoasoani iā i tatou? (7) O ā mea e fefefe ai isi e oo lava i le talanoa atu i se tagata e lē masani ai, ma aiseā? (8) E faapefea ona tatou manumalo i le fefe ae lototele e talanoa atu? (9) Aiseā e tāua ai foʻi ona atiaʻe nisi o tomai i le faiva? Se Avanoa i le Auaunaga: (10) E faapefea i le auaunaga paeonia ona aumaia ai le tele o avanoa e agaʻigaʻi ai i luma faaleagaga? (Fili. 3:16) (11) Aiseā e faatalatū ai nisi e avea ma paeonia? (12) O ā taʻiala faale-Tusi Paia e mafai ona fesoasoani iā i tatou e feagai ai ma popolega tau tamaoaiga? (13) O le ā ua faia e nisi ina ia lagolagoina ai i latou lava i le tulaga tau tupe a o paeonia? (14) O le ā e fai pe a lē talafeagai ma lou tulaga ona auai i le auaunaga faataimi atoa?
Mataupu faaopoopo—Le Tāua o Suʻesuʻega a le Tagata Lava ia: (15) Aiseā e tāua ai se faasologa lelei o suʻesuʻega a le tagata lava ia? Isi Galuega Molimau Atu (lea ua taʻua nei o le molimau atu i nofoaga faitele): (16) E faapefea ona tatou maua atili le olioli pe a auai i auala eseese e talaʻi ai? Auaunaga i Peteli: (17) O ā nisi o mea e olioli ai i le auaunaga i Peteli? Aʻoga mo Toleniga i le Faiva: (18) O ā aogā ua maua e i latou na auai i lenei aʻoga (lea ua taʻua nei o le Aʻoga Faale-Tusi Paia mo Uso Nofofua)? Aʻoga mo Toleniga Faamisionare i Kiliata: (19) Na faapefea ona saunia Peter ma Fiona mo le galuega faamisionare, ma o ā aogā na la maua mai i le Aʻoga i Kiliata?