La Tatou Tuatusi Aloaʻia​—Aogā mo i Tatou ma Isi

Na faatonuina i tatou e Iesu ina ia talaʻi atu le tala lelei o le Malo “i le lalolagi atoa e fai ma molimau i atunuu uma.” (Mata. 24:14) Ua toe faapolokalameina le jw.org, ma ua tuufaatasia ai tuatusi o le watchtower.org, le jw-media.org, ma le jw.org, ina ia fesoasoani iā i tatou e ʻfaia ma le māeʻaeʻa la tatou faiva.’—2 Timo. 4:5.

“I le Lalolagi Atoa”: Pe tusa o le tasi vaetolu o le faitau aofaʻi o tagata o le lalolagi o loo faaaogāina le initaneti, ma ua avea ma puna o faamatalaga aemaise lava i talavou. Ua maua e i latou e faaaogāina le initaneti ni tali moni o fesili faale-Tusi Paia e ala mai i la tatou tuatusi. O loo faaalia ai faamatalaga e uiga i le faalapotopotoga a Ieova, ma ua faigofie ai foʻi ona talosaga mo se suʻesuʻega faale-Tusi Paia e aunoa ma se totogi. O lea la, ua mafai ai e i latou o loo faigatā ona oo atu i ai le feʻau o le Malo ona iloa le tala lelei.

“I Atunuu Uma”: Ina ia avatu se molimau “i atunuu uma,” e tatau ona faailoa atu upu moni o le Tusi Paia i gagana eseese. O le a faigofie iā i latou o loo faaaogāina le tuatusi jw.org, ona maua le tele o faamatalaga i le tusa ma le 400 gagana, lea e lē mafai ona faia i isi tuatusi.

Faaaogā Lelei: E leʻi faapolokalameina le tuatusi jw.org, ina ia molimau atu ai tau lava o ē e lē talitonu. Ae e aogā foʻi i Molimau a Ieova. Afai o loo e faaaogāina le initaneti, e matou te faalaeiau oe ina ia faamasani i le jw.org. O loo mulimuli mai nisi o fautuaga i le auala e faaaogā ai.

[Siata i le itulau 3]

(Tagaʻi i le lomiga mo le ata atoa)

Ia Faataʻitaʻi

1 Tā i totonu le tuatusi www.jw.org

2 Tagaʻi i vaega eseese o le tuatusi.

3 Taumafai e faaaogā le jw.org e ala i so o se meafaigaluega faatekinolosi e maua ai le initaneti e pei o telefoni.