Taulimaga Faataʻitaʻi

Ina ia Amata ai Suʻesuʻega Faale-Tusi Paia i le Aso Toonaʻi Muamua o Fepuari

“E toʻatele tagata e talitonu o le Tiapolo o le pogai o mea leaga uma i le lalolagi. Ae e latou te tomānatu: ʻE faapefea ona iai le Tiapolo? Pe na foafoaina e le Atua?’ O le ā sou manatu? [Faatali mo se tali.] Mātau mai le manatu lenei.” Faasino i ai le mataupu i le pito i tua o Le Olomatamata o Fepuari 1, ma talanoa le palakalafa muamua ma le mau faasino o loo iai. Ofo mekasini, ma fai se fuafuaga e toe foʻi atu e talanoa le fesili e sosoo ai.

Le Olomatamata Fepuari 1

“E matou te fia iloa sou manatu e faatatau iā Mose, o sē e faaaloalogia e Kerisiano, tagata Iutaia ma Musalimi. O le ā se mea e oso aʻe i lou mafaufau pe a taʻua lona igoa? [Faatali mo se tali.] E ui i ona masei, ae e mataʻina le auala o loo faamatalaina ai i le Tusi Paia o ia. [Faitau le Teuteronome 34:10-12.] O loo faamatalaina i lenei lomiga uiga lelei e tolu o Mose, ma le auala e tatou te faataʻitaʻi ai iā te ia.”

Ala Mai! Ianuari-Mati

“E toʻatele e talitonu o le a ola i le Parataiso pe afai e amiolelei, toʻaga i le lotu ma tatalo. Pe e te ioe i lea manatu? [Faatali mo se tali.] Ua faailoa mai e le Atua lona finagalo e uiga i lea mataupu. [Faitau le 1 Samuelu 15:22, ona faasino lea i le itulau e 14, 15.] O loo faamatala atili i lenei mataupu tali mai i le Tusi Paia.”