Le Tala e Fai Atu e Uiga i Mekasini

Le Olomatamata Fepuari 1

“Pe e te manatu e mafai ona iloa pe e faapeʻī le Atua? [Faatali mo se tali.] E iai se manatu manaia o loo i lenei mataupu.” Faitau ma talanoa le mataupu i le fesili lona 2 i le itulau e 16, ma se mau o loo sii mai ai. Ofo mekasini ma faatulaga e toe foʻi atu, e talanoa le mataupu i le fesili lona 3.

Ala Mai! Ianuari-Mati

“O se faafitauli masani le tauaʻimisa o tagata o le aiga. E faapefea ona tatou taofia le tupu aʻe o se misa tele, ona o se mea e te lē o malie ai? [Faatali mo se tali. Faitau le Faataoto 19:11.] Ua faaalia i lenei mataupu le auala e fesoasoani ai le Tusi Paia iā i tatou, e foʻia ma ʻalofia le tauaʻimisa.” Faaali i ai le mataupu o loo i le itulau e 26.

Le Olomatamata Mati 1

“Ua lauiloa Molimau a Ieova i la latou galuega talaʻi. Pe na e taumānatu aiseā e matou te faia ai lenei galuega? [Faatali mo se tali.] Seʻi tagaʻi i le faamatalaga lenei. [Faitau le Mataio 24:14.] O loo tali i lenei mekasini fesili nei: O le ā lenei tala lelei? O le ā le Malo? Ma o le ā le iʻuga lea o le a oo mai?”

Ala Mai! Ianuari-Mati

“Ua faamatilatila i le tele o ata tifaga i aso nei faiga faatemoni ma faataulāitu. Pe e te manatu e moni temoni? [Faatali mo se tali. Ona faitau lea o le 1 Korinito 10:20.] O loo faaalia i lenei mataupu le mea ua taʻu mai i le Tusi Paia e uiga i temoni, ma le auala e puipuia ai i tatou mai i temoni.” Faaali i ai le mataupu o loo i le itulau e 30.