Taulimaga Faataʻitaʻi
Ina ia Amata ai Suʻesuʻega Faale-Tusi Paia i le Aso Toonaʻi Muamua o Iulai
“E toetoe o tagata uma lava e fia ola i se olaga e umi ma fiafia. Ae o le ā sou taofi, pe e mafai e saienitisi ma fomaʻi ona aumaia iā i tatou le ola e faavavau? [Faatali mo se tali.] Mātau le manatu ua taʻua i inei.” Faasino i ai le mataupu i le pito i tua o Le Olomatamata o Iulai 1, talanoa manatu o loo i le fesili muamua ma faitau se mau se tasi. Ofo mekasini ma fai se fuafuaga e toe foʻi atu e talanoa le fesili e sosoo ai.
Mātau: E tatau ona faataʻitaʻi lenei taulimaga i le faatasiga mo le talaʻiga iā Iulai 6.
Le Olomatamata Iulai 1
“O le toʻatele o tagata matou te talanoa, e iai a latou lava tapuaʻiga. Ae o isi ua faapea mai e latou te lē o toe maufaatuatuaina lotu. O le ā sou manatu e uiga i lotu? [Faatali mo se tali.] Ua saunia mai e Iesu se mataupu silisili e fesoasoani iā i tatou e iloa ai le tulaga moni o se lotu. [Faitau le Luka 6:44a.] O loo talanoaina i lenei mekasini nisi o fua leaga ua fuaina mai e lotu. O loo taliina ai foʻi le fesili lenei: Pe e iai se tapuaʻiga e maufaatuatuaina?”
Ala Mai! Iulai-Setema
“Ua avea sauāga i aiga o se faafitauli i le lalolagi atoa. O nisi e fai mai e māfua ona o le aganuu a se tagata, le siʻomaga na ola aʻe ai, po o faafiafiaga sauā. Ae o le ā sou manatu, o le ā le māfuaaga autū o sauāga i aiga? [Faatali mo se tali.] O loo taʻua i le Tusi Paia le ituaiga mafutaga e tatau ona iai i le va o se tane ma lana avā. [Faitau le Efeso 5:33.] O loo faamatalaina i lenei mekasini auala ua faasaoina ai nisi o faaipoipoga, ona o le faatatauina o taʻiala mai le Tusi Paia.”
Tala Lelei Mai i le Atua!
“O loo matou asia aiga i lou vaipanoa e faasoa atu i ai se manatu faalaeiau mai le Tusi Paia. E toʻatele tagata ua taumānatu pe aiseā ua faataga ai e se Atua alofa le tele o puapuaga i le lalolagi. Pe e te manatu na finagalo le Atua ia iai puapuaga i le lalolagi?” Faatali mo se tali. Suʻe i le Lesona e 5, ma faitau palakalafa muamua e lua ma mau o loo tusi faasisipa. Ofo le polosiua ma fai se fuafuaga e toe foʻi atu e talanoa le fesili e sosoo ai.