Taulimaga Faataʻitaʻi

Ina ia Amata ai Suʻesuʻega Faale-Tusi Paia i le Aso Toonaʻi Muamua o Iulai

“I tausaga talu ai nei, na siitia ai le numera o tagata e fiafia e talanoa e faatatau i agelu. Pe e te manatu e iai moni ni agelu? [Faatali mo se tali.] Seʻi mātau le manatu lenei.” Tuu atu i lē e ona le fale Le Olomatamata o Iulai 1, ma talanoa faatasi manatu i lalo o le tamaʻi ulutala muamua i le itulau e 16 ma se mau se tasi. Ofo mekasini ma fai se fuafuaga e toe foʻi atu e talanoa le fesili e sosoo ai.

Le Olomatamata Iulai 1

Faitau le Salamo 65:2. Ona faapea atu lea: “E toʻatele e ioe faatasi ma i matou e faapea o le Atua o le “Faafofoga tatalo,” ma e latou te tatalo foʻi i aso uma. Ae o isi e taumānatu, ʻPe afai o soifua le Atua, aiseā la ua tele naʻuā ai faafitauli i le lalolagi?’ O le ā sou manatu? Pe o iai se Atua e faafofoga mai i a tatou tatalo? [Faatali mo se tali.] O loo talanoaina i lenei mekasini le tali mai le Tusi Paia mo le fesili lenei: ʻAiseā ua lē Taofia ai e le Faafofoga Tatalo Puapuaga?’”

Ala Mai! Iulai—Setema

“E toetoe o tagata uma e matou te talanoa i ai ua feagai ma faiga lē tonu mai lea taimi i lea taimi. O le ā sou manatu, pe e iai se vaifofō mo faiga lē tonu? [Faatali mo se tali.] Seʻi mātau le valoaga lenei e faatatau i se tupu o le a ia faaiʻuina faiga lē tonu. [Faitau le Salamo 72:11-14.] O loo talanoaina i lenei mekasini folafolaga mai i le Tusi Paia, e faatatau i se lalolagi e sili atu ona amiotonu i le lumanaʻi.”