“Ou te Taliaina Lau Lomiga pe Afai E te Taliaina Foʻi Laʻu Lomiga”

O manatu na o nisi tagata e ona le fale. Talu ai e tatou te lē fesuiaʻi a tatou lomiga faale-­Tusi Paia ma ni tusi faalelotu ia e faaauiluma ai aʻoaʻoga sesē, e faapefea la ona tatou tali atu ma le faautauta? (Roma 1:​25) E mafai ona tatou faapea atu: “Faafetai lava mo lau lomiga. Ae o le ā se vaifofō mo faafitauli o tagata o loo taʻua i lau lomiga? [Faatali mo se tali. Afai e na te valaaulia oe ina ia faitau i lana lomiga ina ia maua ai le tali, e mafai ona e faamanatu i ai e te leʻi ofoina atu lau lomiga e aunoa ma le faamatalaina o manatu o loo iai. Ona faitau lea pe sii i ai le Mataio 6:​9, 10.] Na faailoa mai e Iesu, o le a faataunuuina le finagalo o le Atua i le lalolagi e ala mai i lona Malo. O lea, e pau lomiga faalelotu ou te faitau i ai, o lomiga o loo faamatilatila mai ai le Malo o le Atua. Pe e mafai ona ou faailoa atu iā te oe nisi o mea o le a faataunuuina e le Malo o le Atua lea o loo taʻua i le Tusi Paia?”