Faaaogā la Tatou Tuatusi e Aʻoaʻo ai Lau Fanau
1. O le ā le fuafuaga o le vaega ua faaulutalaina “Children” o loo i la tatou tuatusi?
1 Ua saunia la tatou tuatusi o le jw.org, ina ia fiafia ai so o se tagata. E fesoasoani le vaega o loo faaulutalaina “Tamaiti” (tagaʻi i le Aʻoaʻoga a le Tusi Paia > Tamaiti) i fanau lāiti ma o latou mātua, e māfana ai a latou mafutaga faapea la latou faiā ma Ieova. (Teu. 6:6, 7) E faapefea ona e faaaogāina lenei vaega e aʻoaʻoina ai lau fanau?
2. E faapefea ona e filifilia mataupu e talafeagai lelei ma le matutua o lau fanau, e tou te suʻesuʻeina faatasi?
2 Ia Fetuutuunaʻi: E eseese lava manaʻoga o tamaiti. (1 Kori. 13:11) E faapefea la ona e filifilia se mataupu e talafeagai ma le matutua o lau fanau, e tou te suʻesuʻeina faatasi? Fesili ifo iā te oe lava: ʻO le ā se mataupu e sili ona fiafia i ai laʻu fanau? Pe e tele ni mea o le a latou malamalama i ai e faatatau i lenei mataupu? O le ā le umi e latou te uaʻi mai ai a o talanoaina le mataupu?’ Pe afai e tolu tausaga agaʻi i lalo le matutua o lau fanau, e te ono faaaogāina tala o loo i le vaega “My Bible Lessons.” E fiafia isi aiga i tala mai le Tusi Paia o loo i le vaega ua faaulutalaina “Aʻoaʻo Lau Fanau.” E mafai foʻi ona iloilo isi manatu o loo mulimuli mai.
3. E faapefea ona faaaogā lelei e mātua tala ma galuega faatino i lalo o le ulutala “Family Worship Projects”?
3 Family Worship Projects: Ua fesoasoani nei galuega faatino i mātua e faia ai suʻesuʻega ma a latou fanau. Kiliki le upu download, ma faitau i le “Parents’ Guide” ina ia iloa ai le auala e faaaogā ai tala faapea mea e fai e tamaiti. Faaaogā picture activities e aʻoaʻoina ai fanau lāiti, e pei o le auala e valiina ai ata. Fesoasoani i fanau matutua ina ia faamāeʻa study activities. O nei picture activities ma study activities, e fesootaʻi atu i se tala po o se lesona se tasi mai le Tusi Paia, ina ia mafai ai e fanau po o le ā lava lo latou matutua ona faia se sao i le tapuaʻiga a le aiga.
4. O ā mea o loo iai i le vaega “Become Jehovah’s Friend”?
4 Avea Oe ma Uō a Ieova: O vitiō, pese ma galuega faatino i lenei vaega o la tatou tuatusi, ua fesoasoani i mātua ina ia totō i loto o a latou fanau le Afioga a le Atua. (Teu. 31:12) I ata vitiō taʻitasi, o loo aumaia ai se lesona tāua mo fanau. O loo faamamafa mai le tāua o na lesona i galuega faatino e pei o le search-and-find games. E fiafia tamaiti e usu pese, ma e fesoasoani iā i latou e manatua ai mea na latou aʻoaʻoina. O lea, mai lea taimi i lea taimi, e tuu ai i luga o la tatou tuatusi pese sauniga ma pese ua tusia faapitoa mo fanau.
5. Aiseā e tatau ai i mātua ona talosaga atu iā Ieova e fesoasoani mai ina ia mafai ona latou aʻoaʻoina le upu moni i a latou fanau?
5 Mātua, e finagalo Ieova ina ia avea outou o ni tinā ma tamā taulau manuia. O lea, ia talosaga atu iā Ieova e fesoasoani mai ina ia mafai ona outou aʻoaʻoina le upu moni i a outou fanau. (Faama. 13:8) O le a mafai ona e aʻoaʻoina lau fanau ina ia ʻfaapotoina ai mo le faaolataga e ala i le faatuatua e tusa ai ma Keriso Iesu,’ pe a iai le fesoasoani a Ieova.—2 Timo. 3:15; Faata. 4:1-4.