“Ua Ou lē Toe Maua Atu o Ia i le Fale!”

Pe na iai se tagata na faaalia le fiafia ae ua e fiu e toe asi ua lē o toe maua atu? E ui i le tele o au taumafaiga e toe asia o ia, ae ua lē mafai ona e faasūsū le fatu o le upu moni. (1 Kori. 3:6) O nisi taimi e tusia e tagata talaʻi ua iai le poto masani, se tusi i se tagata ua lē o toe maua atu i le fale, pe tusi se faamatalaga puupuu ma tuu i le faitotoʻa o le fale o le tagata. O nisi tagata talaʻi ua iloa e faigatā ona toe maua se isi i le fale, ona latou taumafai lea e maua le numera a le tagata o le fale, atonu e ala i le fesili atu, “E iai se telefoni e maua ai oe?” E mafai ona tau se toe asiga pe afai e tatou te toe asiasi atu i le tagata, pe talaʻi i ai e ala atu i se tusi, imeli, feʻau tusitusia, se faamatalaga puupuu e tuu i le faitotoʻa, pe e vili atu foʻi i ai. E tusa pe e faigatā ona maua le tagata i le fale, ae e mafai lava ona tatou faatumauina lona fiafia.