Faaleleia o o Tatou Tomai i le Faiva​—Faataatia se Faavae Lelei mo se Toe Asiga

Māfuaaga e Tāua Ai: Pe a tatou maua se tasi e faaalia le fiafia, e tatou te mananaʻo lava e toe foʻi atu ma toe faasūsū le fatu na totōina. (1 Kori. 3:6) O lea a o leʻi tuua le tagata, e tāua ona faataatia se faavae lelei mo se toe asiga, e ala i le fesili atu po o le ā se taimi e mafai ona tatou toe foʻi atu ai. E lē gata i lea, e lelei foʻi ona tuu se fesili e talanoa i ai i le isi asiasiga e sosoo ai. O le faia faapea, o le a tulimataʻia ai e le tagata le isi lua talanoaga, ma o le a ono naunau ai foʻi e faitau i le lomiga na tuu pe afai o loo tali ai le fesili na e lāgā. O le faataatia o se faavae mo le isi talanoaga, o le a faigofie ai ona e amata se toe asiga auā o lea ua uma ona filifilia le mataupu e talanoa ai, ma ua iloa foʻi e le tagata. Pe a faia le toe asiga, e mafai ona e faamatala atu i le tagata o lea ua e toe foʻi atu e tali le fesili na lāgā i le asiasiga ua mavae, ma faaauau loa le talanoaga.