Taulimaga Faataʻitaʻi
Ina ia Amata ai Suʻesuʻega Faale-Tusi Paia i le Aso Toonaʻi Muamua o Tesema
“O loo matou asiasi mai ma talanoa e faatatau i se mataupu e aogā mo aiga. O le toʻatele o mātua e mananaʻo i a latou fanau ia alolofa i le Atua. Pe e te manatu e tatau i mātua ona aʻoaʻo fanau ina ia faia faapea, po o le mea lea e fai lava e le tamaitiiti ia?” Faatali mo se tali. Ia faaali i ai le itulau mulimuli o Le Olomatamata o Tesema 1, ma talanoa faatasi manatu i lalo o le fesili muamua ma se tasi o mau faitau o loo iai. Ia ofo mekasini, ma fuafua se taimi e toe foʻi atu ai e talanoa le fesili e sosoo ai.
Le Olomatamata Tesema 1
“O loo matou asiasi mai ina ia talatalanoa e faatatau i le Atua. E mautinoa e tofu lava le tagata ma ona manatu e faatatau i le Atua. Pe e te manatu o le toʻatele o tagata e manatu i le Atua o se malosiaga faalenatura, po o se uō e naunau moni mai? [Faatali mo se tali.] O loo taʻua i lenei mau le ituaiga o faiā e finagalo le Atua ia tatou maua ma ia. [Faitau le Iakopo 4:8a.] E tolu vala o loo taʻua i lenei mekasini e mafai ona tatou vavalalata atu ai i le Atua.”
Ala Mai! Oketopa-Tesema
“E lē taumatea e te ioe i le tele o faalavelave ua tutupu i va o ulugalii i aso nei. Ae o se tasi o māfuaaga o na faafitauli, ona o le ita faamoemoe o le tasi i le isi o le paaga. O le ā sou manatu, o le ā se auala e foʻia ai lenei faafitauli o le ita faamoemoe? [Faatali mo se tali.] Seʻi mātau mai se tasi nei o taʻiala aogā mai le Tusi Paia. [Faitau le Kolose 3:13.] O le a fesoasoani mai le itulau e 8 ma le 9 o lenei mekasini, e tatou te iloa ai māfuaaga e tatau ai ona ʻalofia lenei uiga, ma auala e tatou te faia ai faapea.”