Taulimaga Faataʻitaʻi

Ina ia Amata ai Suʻesuʻega Faale-Tusi Paia i le Aso Toonaʻi Muamua o Tesema

“O le taimi lenei o le tausaga e masani ona mafaufau ai le toʻatele o tagata iā Iesu. O le ā sou manatu, o le ā se mea e sili ona tāua na faataunuuina e Iesu? [Faatali mo se tali.] Mātau le mataupu o loo i le itulau e 16.” Tuu atu i lē e ona le fale Le Olomatamata o Tesema 1, ma talanoa faatasi manatu o loo i lalo o se ulutala ma se mau se tasi. Ofo mekasini ma fuafua e toe foʻi e asi ma talanoa le fesili e sosoo ai.

Le Olomatamata Tesema 1

“I lenei vaitau, e toʻatele tagata o le a aafia i le agaga o le Kirisimasi. O fea o nei manatu e sili ona tāua i lenei vaitau? [Faaali atu le lisi o loo i le itulau e 3 ma faatali mo se tali. Ona suʻe lea i le itulau e maua ai le tali ma faitau le mau autū.] O loo lisiina mai e lenei lomiga auala aogā e tatou te manatua ai Iesu i le tausaga atoa, ae e lē na o le taimi o le Kirisimasi.”

Ala Mai! Oketopa–Tesema

“I aso nei, e toʻatele talavou e naunau i se talaaga lelei, aemaise lava pe a amataina se faigāuō ma le isi itupā. O lea, e faapefea ona faatumauina se talaaga lelei? [Faatali mo se tali.] Mātau le fautuaga aogā lenei a le Tusi Paia. [Faitau le Faataoto 20:11.] O loo talanoaina i le itulau e 20-22 o lenei mekasini, amioga e mamā i le silafaga a le Atua, faapea ai ma le aogā o le iai o ni tapulaa ina ia tumau ai se faigāuō ma se talaaga lelei.”