Faaleleia o o Tatou Tomai i le Faiva—Tali Atu i se Tagata e Tetee Mai
Māfuaaga e Tāua Ai: O le toʻatele o tagata e tatou te feiloaʻi i ai i le talaʻiga e faaaloalo. Peitaʻi, na valoia e Iesu o le a ʻinoʻino mai nisi tagata iā i tatou. (Ioa. 17:14) O lea, e lē tatau ona faateʻia i tatou pe a feiloaʻi i se tagata e tetee mai. Pe a tupu lenei tulaga, ia tali atu i se auala e faafiafiaina ai Ieova, o lē o loo tatou tauaveina lona suafa. (Roma 12:17-21; 1 Pete. 3:15) O le faia faapea e ʻalofia ai le tulaʻi mai o se feteenaʻiga. O le a avatu ai foʻi se molimau lelei i le tagata ma isi o loo vaavaai ane, ma uunaʻia ai i latou e talia Molimau a Ieova pe a toe asiasi atu.—2 Kori. 6:3.
Faataʻitaʻi a o Faagasolo le Masina:
Ia faataʻitaʻi i taimi o la outou tapuaʻiga a le aiga, le auala e tali atu ai i se tagata e tetee mai.
Pe a tuumuli ese mai i se tagata na tetee mai, ia talanoa ma lau paga i se auala e sili ona lelei e te ono tali atu ai.