Taulimaga Faataʻitaʻi

Le Olomatamata Fepuari 1

“O loo matou ofo i tagata uma o lou vaipanoa le sāvali lenei. O loo faamatala mai ai aogā o le Tusi Paia. O lau kopi lea. [Tuu i le tagata le sāvali O le ā Lau Vaaiga i le Tusi Paia?] Ua taumānatu nisi po o iai i le Tusi Paia ni fautuaga aogā e fesoasoani iā i latou i a latou galuega. Seʻi mātau le manatu ua taʻua i le mau lenei e faatatau i galuega. [Faitau le Failauga 3:13.] O loo iai i lenei lomiga mataupu silisili e fesoasoani iā i tatou ina ia fiafia ai i a tatou galuega. Pe e te fia faitau i ai?”

Ala Mai! Ianuari-Mati

“O loo matou asiasi mai e talanoa ma oe i se mataupu e tāua i tagata uma. I aso nei, ua matuā fautuaina e fomaʻi le tausia o le tumamā. Ae o le ā sou manatu, pe e tāua i le Atua lo tatou mamā i le itu faaletino? [Faatali mo se tali.] Seʻi mātau mai se tasi o taʻiala i le Tusi Paia ua aogā i le toʻatele o tagata i aso nei i lenei vala. [Faitau le 2 Korinito 7:1.] O le a fesoasoani mai le itulau e 14 ma le 15 o lenei mekasini, e faamatala atili le manatu o le Tusi Paia e faatatau i le silafaga a le Atua, e lē gata i le mamā faaletino, ae faapea foʻi isi vala e sili ona tāua, o le mamā tau amio ma le faaleagaga.”