Taulimaga Faataʻitaʻi

Mo le Tauiviga o le Faamanatuga

“O loo matou tufatufaina lenei tusi valaaulia mo se sauniga e tāua tele. Iā Aperila 3, e faitau miliona i latou i le lalolagi aoao o le a faapotopoto e faamanatu le maliu o Iesu Keriso, ma faalogologo i se lauga e aunoa ma se totogi, e faatatau i aogā ua tatou maua mai i le maliu o Keriso. O loo taʻua i lenei tusi valaaulia le nofoaga ma le taimi, o le a faia ai lea sauniga faapitoa i lo tatou vaipanoa.”

Le Olomatamata Fepuari 1

“O le a faamanatuina le maliu o Iesu Keriso iā Aperila 3. O le a faatasitasi nisi i lo tatou vaipanoa ina ia faamanatu lenei sauniga, ae e iai nisi e manatu e lē tāua le maliu o Iesu. O le ā sou manatu, e iai se aogā o le maliu ma le toetū o Iesu mo i tatou? [Faatali mo se tali.] Seʻi mātau le manatu o le Afioga a le Atua e faatatau i lenei mataupu. [Faitau le 1 Korinito 15:22, 26.] O loo talanoaina i lenei mekasini se tasi o aogā o le a iai i le lumanaʻi ona o le taulaga a Iesu. O le a lē toe iai se oti.”

Ala Mai! Ianuari-Mati

“O loo matou asiasi i o matou tuaoi ina ia talanoa i se mataupu e aogā mo aiga uma. O le toʻatele o ulugalii i aso nei e faigatā ona fetuutuunaʻi le tasi i le isi, pe a eseese o la manatu i se mea. O le ā sou manatu, o ā ni auala e fetuutuunaʻi ai se ulugalii? [Faatali mo se tali.] O se tasi nei o mau o le Tusi Paia e mafai ona fesoasoani iā i tatou i lenei mataupu. [Faitau le Kolose 4:6.] O loo faalautele lenei mataupu i le itulau e 12 ma le 13 o lenei mekasini. O loo taʻua ai mea e tatau ona tatou iloa ma mea e mafai ona tatou faia, ina ia fetuutuunaʻi ai.”