Taulimaga Faataʻitaʻi

Ina ia Amata se Suʻesuʻega Faale-Tusi Paia i le Aso Toonaʻi Muamua o Mati

“Ua matou asiasi mai e faailoa atu se sauniga o le a faia iā Aperila 14, o le faamanatuina lea o le maliu o Iesu. E faamanatu e nisi lenei sauniga, ona e latou te manatu e tāua le maliu o Iesu. Peitaʻi o isi e lē mautonu po o le ā le tāua o le maliu o Iesu. Ae o le ā sou manatu, faamata e iai se aogā o le maliu o Iesu mo oe ma aʻu?” Faatali mo se tali. Faasino i ai le mataupu o loo i le pito i tua o Le Olomatamata o Mati 1, ma talanoa faatasi manatu i lalo o le fesili muamua, ma se mau se tasi. Ofo le mekasini ma fai se fuafuaga e toe foʻi e talanoa le fesili e sosoo ai.

Le Olomatamata Mati 1

“E tomānatu le toʻatele o tagata pe aiseā ua lē gaoioi ai le Atua e aveesea faiga lē tonu ma mafatiaga o loo iai. Faamata e māfua ona e lē o manatu mamafa mai le Atua, pe finagalo foʻi e talafeagai ona mafatia tagata? [Faatali mo se tali. Ona faitau lea o le Ioane 3:16.] E ui e tauloto e le toʻatele o tagata lenei mau, ae e latou te lē o malamalama pe faapefea i le maliu o le Alo o le Atua ona aogā iā i latou. O loo faamatalaina i lenei mekasini le auala e mafai ai e le maliu o Iesu, ona aveesea faiga lē tonu ma mafatiaga.”

Ala Mai! Ianuari-Mati

“Ua tele talagā faaipoipoga i aso nei. O le ā sou manatu, aiseā ua faateteleina ai lea tulaga? [Faatali mo se tali.] O loo iai i le Tusi Paia fautuaga aogā mo le faatumauina o faaipoipoga. [Faitau le Kenese 2:24.] I le itulau e 13 o lenei mekasini, o loo iai mea e mafai ona e faia ina ia faamalosia ai pea lau faaipoipoga.”