Faaleleia o o Tatou Tomai i le Faiva​—Molimau i Oganuu o Pisinisi

Māfuaaga e Tāua Ai: Talu ai o le toʻatele o tagata e uumi taimi e faigaluega ai i le aso, e pau la le auala e mafai ona oo atu ai le feʻau o le Malo iā i latou, o le talaʻi lea i nofoaga e faigaluega ai. O le talaʻi i oganuu o pisinisi e maua ai le olioli ma iʻuga lelei, auā e maua atu lava tagata i taimi uma, ma e tele foʻi ina faaaloalo mai tagata faigaluega i ē e faatau iā i latou pe faaaogāina a latou auaunaga. Ina ia taulau manuia, e tatau i tagata talaʻi ona faaalia le faautauta ma ia lelei ma onomea o latou laʻei. (2 Kori. 6:3) O lea, e ao i le ovasia o le auaunaga ona iloilo lelei po o le ā le tele e masani ona galueaʻiina ai oganuu o pisinisi, ma po o ai foʻi e ao ona galueaʻiina.