Taulimaga Faataʻitaʻi

Le Olomatamata Tesema 1

“O loo matou asiasi puupuu i aiga e talanoa ma faamalamalama se manatu lē saʻo ua taatele e faatatau i le Tusi Paia. O le toʻatele o tagata e latou te faatāua le Tusi Paia, ae e manatu e faigatā ona malamalama i ai. O le ā sou oe taofi i le Tusi Paia? [Faatali mo se tali.] Mātau se tasi o māfuaaga e ao ai ona tatou naunau ina ia malamalama i le Tusi Paia. [Faitau le Roma 15:4.] O loo faamatala i lenei mekasini le māfuaaga e faapea atu ai na tusia le Tusi Paia i se auala e malamalama ai, ma taʻua ai foʻi nisi o fautuaga e fesoasoani ai i se tasi ina ia malamalama i le Tusi Paia.”

Ala Mai! Tesema

“O loo matou asia aiga ina ia ofo atu i ai se auaunaga i le lautele. O tagata uma lava e mananaʻo e filemu ma ola fealofani o latou aiga. O le ā sou manatu i le mea e sili ona lelei mo se aiga, o le matuā ʻalofia lea o le iai o ni feeseeseaʻiga, po o le taumafai e iloa le auala e taulima lelei ai? [Faatali mo se tali.] Mātau le faataoto lenei mai i le Tusi Paia. [Faitau le Faataoto 26:20.] O loo taʻua i lenei mekasini nisi o fautuaga aogā mai i le Tusi Paia e fesoasoani i aiga ina ia latou maua le filemu.”