TOLENIGA MO LE FAIVA I LE FANUA
Faaleleia o o Tatou Tomai i le Faiva—Tusi Sau Oe Lava Taulimaga mo Mekasini
MĀFUAAGA E TĀUA AI: E ui lava o loo iai manatu aogā i taulimaga o loo saunia atu i le polokalame mo le sauniga, ae o nei taulimaga ua na o ni taʻiala faataʻitaʻi. E ao ona e faaaogā au oe lava upu. E te ono faaaogāina foʻi se isi faafeiloaʻiga po o se isi mataupu e te manatu e fiafia i ai tagata o le oganuu. O lea, afai ua māeʻa ona e faitauina le mekasini, iloilo taulimaga faataʻitaʻi, ma matamata le vitiō o taulimaga faataʻitaʻi, ona e faaaogā loa lea o fautuaga o loo mulimuli mai e fafau aʻe ai sau taulimaga.
LE AUALA E FAI AI:
Fesili ifo, ʻPe ou te manaʻo e faaaogā se tasi o nei taulimaga faataʻitaʻi?’
IOE
Sauni au upu tomua. Pe a māeʻa se faafeiloaʻiga masani, ia faailoa puupuu atu le māfuaaga o lou asiasi atu. (Faataʻitaʻiga: “Ua ou asiasi mai ona . . . “)
Iloilo le auala e faafesootaʻi ai le fesili agaʻi i le mau, ma le ofo. (Faataʻitaʻiga: Pe a faatomua se mau, e te ono faapea atu: “E maua le tali faamalieloto o lenā fesili i le mau lenei.”)
LEAI
Filifili se mataupu mai i le mekasini e te fiafia i ai ma e fetaui i lau oganuu
Filifili se fesili e fai atu e faaoso naunau ma amata ai se talanoaga, ae ʻalofia fesili e lē mautonu ai le tagata o le aiga. (Faataʻitaʻiga: O fesili o loo i le itulau e 2 o le mekasini.)
Filifili se mau e faitau. (Afai o loo e ofoina le Ala Mai!, e pule la oe pe faitau se mau pe leai, auā o lenei mekasini e mo tagata e itiiti lo latou iloa i le Tusi Paia ma atonu e lē fiafia i lotu.)
Ia saunia se fuaiupu se tasi pe lua e fai atu i le tagata, e faamatala ai le auala e na te maua ai aogā mai le faitauina o le mataupu.
PE A TALI MAI IOE PE LEAI
Sauni se fesili e tali i le isi au asiasiga
Fai faamaumauga e fesoasoani iā te oe e manatua ai tala e te manaʻo e fai atu pe a toe asia le tagata