AUALA E OLA AI O SE KERISIANO
Se Mataupu Fou e Amata ai Talanoaga
Talu mai Ianuari 2016, ua iai i le pito i tua o Le Olomatamata se mataupu e faapea, “O le ā le Manatu o le Tusi Paia?” O lenei mataupu fou ua saunia e fesoasoani iā i tatou e amata ai ni talanoaga faale-Tusi Paia. E tutusa le auala o loo tusia ai lenei mataupu ma a tatou savali. O loo iai se fesili faatupu manatu, sosoo ai ma se tali faale-Tusi Paia, faapea ni manatu faaopoopo mo talanoaga.
Pe afai e sologa lelei ni talanoaga i mataupu faale-Tusi Paia, e masani ona iʻu atu ai i le amataina o ni suʻesuʻega faale-Tusi Paia. Ia faaaogā lenei mataupu fou, e fesoasoani ai e faamalie le fia aai faaleagaga o le toʻatele o tagata.—Mat 5:6.
LE AUALA E FAAAOGĀ AI:
Fesili i le tagata o le aiga i sona manatu i se tasi o fesili
Faalogologo lelei ma faamālō atu i ona manatu
Faitau le mau o loo iai i le ulutala “Le Manatu o le Tusi Paia,” ma fesili i sona manatu i le fuaiupu sa faitauina. Pe a lava lona taimi, ia faaauau le talanoaga ma faaaogā manatu o loo iai i le ulutala “Isi Mea e Tatou te Aʻoaʻoina Mai i le Tusi Paia.”
Ofo le mekasini
Fai se fuafuaga e toe foʻi e talanoa i le fesili lona lua