Faafaigofie Pea le Olaga Ina ia Tatou Viia ai le Atua

I aso nei, ua faigofie ona faalavelavea o tatou olaga i le tele o mea. E manaʻomia le taimi ma le malosi e faatau, totogi, faaaogā, faaleleia ma puipuia ai meatotino. Sa soifua Iesu i se olaga faigofie, ina ia lē taaʻina ese ai o ia e meafaitino mai lana faiva.—Mat 8:20.

E faapefea ona faafaigofie lou olaga ina ia mafai ai ona faalautele atu lau faiva? Pe mafai ona avea se tasi o lou aiga ma paeonia, pe a faia nisi o fetuunaʻiga? E tusa po o e iai i le auaunaga faataimi atoa, ae po ua faasolosolo ona e faatagaina meafaitino e faalavelavea ai lou olaga? O se olaga faigofie a o auauna iā Ieova, e maua ai se olaga fiafia ma faamalieina.—1Ti 6:7-9.

Tusi i lalo ni auala e mafai ai ona faafaigofie loʻu olaga.