Faaleleia o o Tatou Tomai i le Faiva​—Faia o Toe Asiga

MĀFUAAGA E TĀUA AI: O le toʻatele o tagata e faaalia le fiafia i le feʻau o le Malo, o loo saʻilia upu moni e uiga i le Atua. (Isa 55:6) Ina ia faasolosolo ona aʻoaʻoina i latou, e manaʻomia ona tatou toe foʻi e asia pea i latou. E feagai tagata ma luʻi eseese, e ao foʻi la ona eseese auala e tatou te atiaʻe ai lo latou fiafia. Peitaʻi, e tele aogā e maua pe afai tatou te sauniuni lelei, iai sa tatou fuafuaga patino mo asiasiga taʻitasi, ma ia iai le sini autū ina ia amata suʻesuʻega faale-Tusi Paia.

LE AUALA E FAI AI:

• Ia maumauaʻi e toe vave asia tagata, atonu i ni nai aso talu le uluaʻi asiasiga.​—Mat 13:19

• Ia faaleuō, faaaloalo ma faaalia uiga toʻafimālie

• Ia amata i se faafeiloaʻiga māfana, ma ia faaaogā le igoa o le tagata. Faamanatu i ai le māfuaaga ua e toe asia ai o ia​—atonu ina ia tali se fesili, aumai ni mekasini fou, faaali atu la tatou upega tafaʻilagi, faaali se vitiō, pe faataʻitaʻi se suʻesuʻega faale-Tusi Paia. Ia fetuunaʻi lau taulimaga pe afai e fia talanoa le tagata i se isi mataupu.​—Fili 2:4

• Ia faasūsū fatu o le upu moni na totōina i lona loto, e ala i le faasoa atu o se manatu faale-Tusi Paia pe tuu se lomiga. (1Ko 3:6) Taumafai e faamasani i le tagata

• Ia faataatia se faavae lelei mo se isi toe asiga