O le ā le Tele E te Faatāua ai le Afioga a le Atua?

O loo iai i le Tusi Paia manatu ma fetalaiga a Ieova le Atua, o ia o le Tusitala o lenei tusi. (2Pe 1:20, 21) O le faasilisilia o le pule silisili ese a le Atua e ala i lona Malo, ua aumaia ai e le Tusi Paia le faamoemoe mo se lumanaʻi matagofie mo tagata uma. O loo faailoa mai ai foʻi uiga alofa o lo tatou Tamā i le lagi, o Ieova.​—Sl 86:15.

E eseese māfuaaga e tatou te faatāua ai le Afioga a Ieova. Ae po o tatou faaalia atu e tāua iā i tatou lenei meaalofa, e ala i le faitauina i aso taʻitasi ma faatatauina i o tatou olaga? Tau ina ia faamaonia atu i a tatou gaoioiga e tutusa o tatou faalogona ma le faisalamo: “Maʻeu lava loʻu naunau i lau tulafono!”​—Sl 119:97.

MAIMOA I LE VITIŌ NA LATOU FAATĀUA LE TUSI PAIA—VAAIGA PUUPUU (VILIAMU TINITELI), ONA TALI LEA O FESILI NEI:

• 

  Aiseā na faaliliu ai e Viliamu Tiniteli le Tusi Paia?

• Aiseā e mataʻina ai ana taumafaiga e faaliliu le Tusi Paia?

• Na faapefea ona ave faananā i Egelani kopi o le Tusi Paia a Tiniteli?

• E faapefea e i tatou taʻitoʻatasi ona faaalia atu tatou te faatāua le Afioga a le Atua?