Faaleleia o o Tatou Tomai i le Faiva—Molimau Atu i Tagata Tauaso

MĀFUAAGA E TĀUA AI: O le toʻatele o tagata tauaso e lē fia talanoa i tagata ese. O lea, e manaʻomia ai le tomai e molimau atu ai iā i latou. O loo faaalia e Ieova lona manatu mamafa i ē tauaso. (Le 19:14) E mafai ona tatou faaaʻoaʻo i lana faaaʻoaʻoga, e ala i le tausolomua e fesoasoani iā i latou ina ia aʻoaʻo e faatatau iā Ieova.

LE AUALA E FAI AI:

• “Saʻili” Tagata Tauaso. (Mat 10:11) Pe e te iloa se tagata e iai sona tauaiga e tauaso? Pe e iai i la outou oganuu se aʻoga mo tagata tauaso, po o ni nofoaga e nonofo ai, lea e fetaui i ai lomiga ua fuafuaina mo ē tauaso?

• Faaalia le Naunau Moni. O ou uiga faaleuō ma le naunau moni o le a fesoasoani e faatoʻafilemu ai le tagata tauaso. Taumafai e amata se talanoaga i se mataupu e fiafia ai le tagata

• Avatu le Fesoasoani Faaleagaga. Ina ia fesoasoani iā i latou ua puaoa le vaai, ua saunia e le faalapotopotoga lomiga i auala eseese. Ia fesili atu i le tagata po o lē fea o nei lomiga e fetaui ma ia. E tatau i le ovasia o le auaunaga ona faamautinoa, ua faatumu e le auauna o tusi le talosaga mo lomiga mo tagata tauaso